Tennessen တၢ်ဟ့ၣ်ပလီၢ် Metro Transit micro

ဝံသးစူၤဖးဘၣ်လံာ်ဘိးဘၣ်သ့ၣ်ညါလၢအကါဒိၣ်အဝဲအဲၤ (Tennessen တၢ်ဟ့ၣ်ပလီၢ်) တချုးနဟ့ၣ်လီၤတၢ်ဂ့ၢ်တၢ်ကျိၤ ဘၣ်ဃးဒီးနနီၢ်ကစၢ် မ့တမ့ၢ် မၤပှဲၤတၢ်ဆါတၢ်ပှ့ၤတၢ်ဖံးတၢ်မၤခီဖျိအံၣ်လဲးထြီနံးအကျိၤအကျဲတမံၤလၢ်လၢ် ခီဖျိပှာ်ယဲၤသန့ အံၤန့ၣ်တက့ၢ်-

တၢ်ဂ့ၢ်တၢ်ကျိၤလၢနဟ့ၣ်လီၤအီၤလၢနနီၢ်ကစၢ်ဒၣ်ဝဲ ခီဖျိ Metro Transit ပာ်ပနီၣ်ပှာ်ဘျးစဲတၢ်ဖံးတၢ်မၤတဖၣ် မ့တမ့ၢ် ဟီၣ်က ဝီၤတၢ်ထၢတၢ်အလဲတၢ်မၤအကျဲန့ၣ် ဘၣ်တၢ်နီၤဖးပာ်ဖျါအီၤဒ်ပှၤနီၢ်တဂၤတၢ်ဂ့ၢ်ထၢဖှိၣ်အသိးန့ၣ်လီၤ. ပှၤနီၢ်တဂၤတၢ်ဖံးတၢ်မၤ လၢနဟ့ၣ်လီၤအီၤခီဖျိ Metro Transit micro အဲး(ပ)တၢ်ရဲၣ်တၢ်ကျဲၤ ကဟ့ၣ်နၤအခွဲးလၢနကစူးကါ အံၣ်လဲးထြီနံးပှာ်ယဲၤ သန့တၢ်မၤစၢၤတဖၣ် လၢဘၣ်တၢ်ဟ့ၣ်လီၤအီၤခီဖျိ Metro Transit, ပၣ်ဃုာ်ဒီးတၢ်ဃ့ထီၣ်တၢ်ဒိး Metro Transit micro ဒီးပှၤဒိးသိလ့ၣ်တၢ်ဟ့ၣ်ပလီၢ်တဖၣ်န့ၣ်လီၤ. နဂ့ၢ်လိာ်လၢနကဟ့ၣ်လီၤတၢ်ဂ့ၢ်တၢ်ကျိၤလၢတၢ်ဃ့ထီၣ်အီၤတနီၤ မ့တမ့ၢ် ခဲလၢာ်သ့, ဒ်လဲၣ်ဂ့ၤ, နမ့ၢ်တဟ့ၣ်လီၤနမံၤ, အံမ့(လ), ဒီးလီတဲစိနီၣ်ဂံၢ်ဘၣ်န့ၣ် နနုာ်လီၤလၢကတ့ဒုးအိၣ်ထီၣ် Metro Transit micro အဲး(ပ) မံၤစရီ မ့တမ့ၢ် စူးကါ Metro Transit micro အဲး(ပ) မ့တမ့ၢ် သိလ့ၣ်တၢ်မၤစၢၤတဖၣ်တသ့ဘၣ်.

Metro Transit ကစူးကါနတၢ်ဂ့ၢ်တၢ်ကျိၤလၢ ဒွဲပူၤတၢ်လဲၤတၢ်က့ၤပနံာ်တၢ်ကၤတၢ်ဖံးတၢ်မၤတၢ်ပညိၣ်တဖၣ်အဂီၢ်, ပၣ်ဃုာ်ဒီး တၢ်ဒိးသိလ့ၣ်တၢ်ပဲာ်ထံနီၤဖး, ပှၤဒိးသိလ့ၣ်တၢ်ဟ့ၣ်ပလီၢ်တဖၣ်, ဒီးတၢ်ရဲၣ်တၢ်ကျဲၤလၢကထိၣ်ဒွးဒီးဒုးသ့ၣ်ညါရၤလီၤတၢ်ဂ့ၢ်တၢ် ကျိၤလၢတၢ်ကစူးကါတၢ်လဲၤတၢ်က့ၤန့ၣ်လီၤ. Metro Transit ကဟ့ၣ်ခီဟ့ၣ်နီၤလီၤတၢ်ဂ့ၢ်တၢ်ကျိၤဒီး - ပှၤတဂၤစုာ်စုာ်လၢအမၤ တၢ်မၤတဖၣ်လၢအလိၣ်ဘၣ်တၢ်နုာ်လီၤမၤန့ၢ်တၢ် - ပှၤသၢဖုတဖုပှၤဆါတၢ်ဖိတဖၣ်မၤသကိးတၢ်ဒီး Metro Transit ကဟ့ၣ် လီၤပှၤပှ့ၤစူးကါတၢ်မၤစၢၤ ဒ်အမ့ၢ် ပှၤဒိးသိလ့ၣ်တၢ်ဟ့ၣ်ပလီၢ်တဖၣ် မ့တမ့ၢ် မံၤပနီၣ်အ၀ါအဲး(ပ)တၢ်ရဲၣ်တၢ်ကျဲၤ တဖၣ်-  ခြဲးဒ့းခးက့ခီပနံာ်တဖၣ်, တၢ်ကရၢကရိလၢအမၤခြဲးဒ့းခးက့တဖၣ် ဒီးစ့တၢးတၢ်ကရၢကရိတဖၣ်လၢ အလိၣ်ဘၣ်နစ့စရီတၢ်ဂ့ၢ် တၢ်ကျိၤလၢကမၤပှဲၤတၢ်ပှ့ၤတၢ်လၢအံၣ်လဲးထြီနံးအကျိၤအကျဲတဖၣ်, ပဒိၣ်တၢ်ကရၢကရိအဂၤတဖယလၢ ကဒီသဒၢတၢ်ထၢနုာ် လီၤတၢ်တဖိးသဲစးဆူ ပဒိၣ်အံၣ်လဲးထြီနံးတၢ်မၤအကျဲသနူ- Metro Transit ပၢၤကီၢ်ဒီးပၢၤကီၢ်တၢ်ကရၢကရိအဂၤတဖၣ်လၢ တၢ်ဟ့ၣ်စိဟ့ၣ်ကမီၤအီၤတဖၣ်လၢတၢ်ကလူၤပိာ်မၤထွဲသဲစးတၢ်သိၣ်တၢ်သီတၢ်ပညိၣ်တဖၣ်အဂီၢ်, ပၣ်ဃုာ်ဒီးတၢ်လူၤပိာ်မၤထွဲတၢ် အလဲအခးက့ ဒီးပှၤလၢအဒိးန့ၢ်တၢ်စိတၢ်ကမီၤလၢကအိၣ်ဒီးတၢ်နုာ်လီၤမၤန့ၢ်တၢ် ခီဖျိကီၢ်စဲၣ် မ့တမ့ၢ် ဖဲၣ်ဒရၢၣ်ကီၢ်စၢဖှိၣ်သဲစး တၢ်သိၣ်တၢ်သီ, ခီဖျိကွီၢ်ဘျီၣ်တၢ်နဲၣ်လီၤ ဒ်နတၢ်ကွဲးအၢၣ်လီၤဟ့ၣ်ခွဲးအသိးန့ၣ်လီၤ.

နမ့ၢ်တအဲၣ်ဒိး Metro Transit လၢကမၤဖျါထီၣ်နတၢ်ဒိးသိလ့ၣ်တၢ်စံၣ်စိၤ, တၢ်ဆါတၢ်ပှ့ၤတၢ်စံၣ်စိၤ, ဒီးတၢ်စူးကါ Metro Transit micro အဲး(ပ) မ့တမ့ၢ် သိလ့ၣ်တၢ်မၤစၢၤတဖၣ်လၢ တၢ်ပညိၣ်တမံၤလၢ်လၢ်အဂီၢ် ဆူပှၤတဂၤစုာ်စုာ်လၢအိၣ်လၢ Metro Transit အချၢန့ၣ်, နဃုထၢလၢကတီၣ်ထီၣ်တၢ်ကွဲးဃ့ထီၣ်တၢ်လၢကပာ်ခူသူၣ်တၢ်ဂ့ၢ်ထၢဖှိၣ်အံၤသ့န့ၣ်လီၤ. ဖဲတၢ်ဒိးန့ၢ် ဘၣ်တၢ်ကွဲးဃ့ထီၣ်အခါ, Metro Transit တမၤဖျါထီၣ်နီၢ်ကစၢ်တၢ်ဂ့ၢ်တၢ်ကျိၤလၢတၢ်ဒုးနဲၣ်ဖျါထီၣ်အီၤသ့လၢအဘၣ်ဃးဒီးနၤ ဘၣ်န့ၣ်လီၤ. မၤလိအါထီၣ်ဖဲ metrotransit.org/suppress.  

“အံၣ်လဲးထြီနံးတၢ်ဂ့ၢ်ထၢဖှိၣ်လၢတၢ်နုာ်လီၤမၤန့ၢ်အီၤ” တဖၣ်မ့ၢ်ဝဲ တၢ်ဂ့ၢ်ထၢဖှိၣ်လၢတၢ်ဒုးအိၣ်ထီၣ်အီၤ, တၢ်ထၢဖှိၣ်အီၤ, မ့တမ့ၢ် ကတီၤဃာ်ဘၣ်ဃးဒီးပှၤတဂၤအတၢ်နုာ်လီၤမၤန့ၢ် ပဒိၣ်တၢ်ကရၢကရိအခီၣ်ဖၠူထၢၣ်လၢတၢ်ပညိၣ်လၢ- အဲၣ်ဒိးနုာ်လီၤမၤန့ၢ် တၢ်ဂ့ၢ်ထၢဖှိၣ် မ့တမ့ၢ် တၢ်ဂ့ၢ်တၢ်ကျိၤ, မ့တမ့ၢ် စူးကါပဒိၣ်တၢ်မၤစၢၤတဖၣ်န့ၣ်လီၤ.  “ခူးခံ (cookie)” န့ၣ်မ့ၢ်ဝဲ တၢ်ဂ့ၢ်ထၢဖှိၣ် တမံၤလၢ်လၢ်လၢပဒိၣ်-စူးကါခီၣ်ဖၠူထၢၣ်လၢ တၢ်ပာ်လီၤအီၤလၢခီၣ်ဖၠူထၢၣ်လၢပှၤတဂၤအဲၣ်ဒိးနုာ်လီၤမၤန့ၢ်ပဒိၣ်အခီၣ်ဖၠူထၢၣ်အဖီ ခိၣ်န့ၣ်လီၤ. အံၣ်လဲးထြီနံးတၢ်ဂ့ၢ်ထၢဖှိၣ်လၢတၢ်နုာ်လီၤမၤန့ၢ်အီၤတဖၣ်မ့ၢ်ဝဲ ပှၤနီၢ်တဂၤအတၢ်ထၢဖှိၣ်ဘၣ်ဃးဒီးပှၤနီၢ်တဂၤ ဒီးတမ့ၢ်ကမျၢၢ်တၢ်ဂ့ၢ်ထၢဖှိၣ်တဖၣ်ဘၣ်န့ၣ်လီၤ.

ဒ်အမ့ၢ် Metro Transit micro တၢ်တိာ်ကျဲၤအသနၢၣ်တခါအသိး, Metro Transit ကတ့ဒုးအိၣ်ထီၣ်, ထၢဖှိၣ်, မ့တမ့ၢ် ကတီၤအံၣ်လဲးထြီနံးတၢ်ဂ့ၢ်ထၢဖှိၣ်လၢတၢ်နုာ်လီၤမၤန့ၢ်အီၤ မ့တမ့ၢ် စူးကါအခီၣ်ဖၠူထၢၣ်လၢကထၢနုာ်လီၤ ခူးခံ (cookie) လၢ နနီၢ်ကစၢ်ပီးလီ(တဖၣ်)အဖီခိၣ်န့ၣ်လီၤ. လၢ Minnesota သဲစးတၢ်သိၣ်တၢ်သီအဖီလာ်, အံၣ်လဲးထြီနံးတၢ်ဂ့ၢ်ထၢဖှိၣ်လၢတၢ်နုာ် လီၤမၤန့ၢ်အီၤတဖၣ် တၢ်ကနီၤဟ့ၣ်လီၤဆူ- မံၣ်နံၣ်စိထၣ်တၢ်ပၢဆှၢရဲၣ်ကျဲၤဝဲၤကျိၤအခီၣ်မံးၡၢၣ်နၢၣ် (Commissioner of the Minnesota Department of Administration) လၢတၢ်ပညိၣ်သမံသမိးအံၣ်လဲးထြီနံးပဒိၣ်တၢ်မၤစၢၤတဖၣ်အဂီၢ်, ဆူပဒိၣ် တၢ်ကရၢကရိအဂၤတဖု မ့တမ့ၢ် ဖဲၣ်ဒရၢၣ်ပၢၤကီၢ်ခၢၣ်စးကရၢလၢအဒုးလူၤပိာ်မၤထွဲတၢ်သိၣ်တၢ်သီ လၢကပၢၤဃာ် မ့တမ့ၢ် ပာ် ဖျါထီၣ်တၢ်ထၢနုာ်လီၤတၢ်တဖိးသဲစး ဆူပဒိၣ်အံၣ်လဲးထြီနံးတၢ်မၤအကျဲသနူတဖၣ်အပူၤ, မ့တမ့ၢ် ဘၣ်တၢ်ဟ့ၣ်လီၤအီၤလၢ သဲစးတၢ်သိၣ်တၢ်သီအသိးန့ၣ်လီၤ.

နဂ့ၢ်လိာ်လၢနကတူၢ်လိာ်ခူးခံ (cookie) လၢနနီၢ်ကစၢ်အပီးလီ(တဖၣ်) အဖီခိၣ်ဒီးနဆဲးစူးကါ Metro Transit micro အဲး(ပ) သ့ဒံးလီၤ, ဘၣ်ဆၣ်နမ့ၢ်ဃုထၢလၢနတစူးကါခူးခံ (cookie) လၢ Metro Transit micro အဲး(ပ) အဖီခိၣ်ဘၣ်န့ၣ် ဘၣ်သ့ၣ် သ့ၣ် တမၤတၢ်တုၤလီၤတီၤလီၤ မ့တမ့ၢ် ချ့ချ့ဘၣ်.   

နမ့ၢ်အိၣ်ဒီးတၢ်သံကွၢ်ဘၣ်ဃးဒီးတၢ်ဘိးဘၣ်သ့ၣ်ညါအံၤ ဒီးအဲၣ်ဒိးဆဲးကျၢ Metro Transit ပှၤခၢၣ်စးန့ၣ်, ဝံသးစူၤဆဲးကျၢပှၤ ဖဲ 612-373-3333 မ့တမ့ၢ် ကွၢ်ဖဲ metrotransit.org/contact-us.

နမ့ၢ်ဖးဘၣ်တၢ်ဘိးဘၣ်သ့ၣ်ညါအံၤဒီးအဲၣ်ဒိးစူးကါ Metro Transit micro အဲး(ပ) ဒီးသိလ့ၣ်တၢ်မၤစၢၤတဖၣ်န့ၣ်, ဝံသးစူၤ မၤတၢ်ဆဲးလီၤမံၤန့ၣ်တက့ၢ်. နမ့ၢ်ဃုထၢ “ဂ့ၢ်လိာ်” မ့တမ့ၢ် “ဆိကတီၢ်” န့ၣ် နတ့ဒုးအိၣ်ထီၣ် Metro Transit micro အဲး(ပ) မံၤစရီ မ့တမ့ၢ် နုာ်လီၤပၣ်ဃုာ်လၢ Metro Transit micro တၢ်တိာ်ကျဲၤအပူၤတသ့ဘၣ်.

စးထီၣ်စူးကါဖဲ လါစဲးပတ့ဘၢၣ် 5 သီ, 2022

---

METRO TRANSIT MICRO သိလ့ၣ် တၢ်စူးကါတၢ်ပာ်ပနီၣ်တဖၣ်

Metro Transit micro န့ၣ်မ့ၢ်ဝဲ မဲးခြိၣ်သိလ့ၣ်တၢ်လဲၤတၢ်က့ၤတၢ်မၤစၢၤလၢ ဘၣ်တၢ်ဟ့ၣ်လီၤအီၤလၢ Metropolitan Council ခီဖျိ Metro Transit ဒီး မဲးထြိၣ်ဖိၣ်လံထၢၣ်ဝံစိာ်တီဆှၢတၢ်မၤစၢၤ (Metropolitan Transportation Services) ခီပနံာ်ဝဲၤဒ့တဖၣ် (“Metro Transit,” “ပ,” “ပှၤ,” မ့တမ့ၢ် “ပဝဲ”). တၢ်စူးကါ တၢ်ပာ်ပနီၣ် (“တၢ်စူးကါတၢ်ပာ်ပနီၣ်”) ကျၢၢ်ဘၢနတၢ်နုာ်လီၤဒီးစူးကါအဲး(ပ)တၢ်ရဲၣ်တၢ်ကျဲၤတဖၣ်, ပှာ်ယဲၤသန့တဖၣ်, တၢ်ဂ့ၢ်တၢ် ကျိၤတဖၣ်, ပနံာ်တၢ်ကၤတဖၣ်, ဒီးတၢ်မၤစၢၤတဖၣ် ( “တၢ်မၤစၢၤတဖၣ်”) Metro Transit micro အိးထီၣ် ဝဲဒၣ်လ။တၢ်မၤန့ၢ်အီၤသ့န့ၣ်လီၤ. ဝံသးစူၤဖးတၢ်စူးကါတၢ်ပာ်ပနီၣ်တဖၣ်အံၤလၢတၢ်ပလီၢ်သးအပူၤ တချုးလၢနနုာ်လီၤမၤန့ၢ် မ့တမ့ၢ် စူးကါတၢ်မၤစၢၤတဖၣ် အံၤတက့ၢ်.

နတၢ်နုာ်လီၤမၤန့ၢ်ဒီးတၢ်စူးကါတၢ်မၤစၢၤတဖၣ် ပၣ်ဃုာ်ဒီးနတၢ်အၢၣ်လီၤအီလီၤလၢကမၤတၢ်ဃံးဃာ် ခီဖျိတၢ်စူးကါတၢ်ပာ်ပနီၣ် တဖၣ်အံၤန့ၣ်လီၤ. နမ့ၢ်တအၢၣ်လီၤတူၢ်လိာ်တၢ်စူးကါတၢ်ပာ်ပနီၣ်တဖၣ်အံၤန့ၣ်, နနုာ်လီၤမၤန့ၢ် မ့တမ့ၢ် စူးကါတၢ်မၤစၢၤတဖၣ် အံၤတသ့ဘၣ်န့ၣ်လီၤ. Metro Transit ကဘှီဘၣ် မ့တမ့ၢ် မၤသီထီၣ်တၢ်စူးကါတၢ်ပာ်ပနီၣ်တဖၣ်အံၤတကတီၢ်ဘၣ်တကတီၢ် န့ၣ်လီၤ. တၢ်ဘှီဘၣ်ဒီးတၢ်မၤသီထီၣ်တဖၣ်တၢ်စးထီၣ်စူးကါအီၤသ့တုၤလီၤတီၤလီၤ ဖဲတၢ်ဘိးဘၣ်ရၤလီၤဒီးပာ်ထီၣ်တၢ်ဘှီဘၣ် မ့တမ့ၢ် တၢ်မၤသီထီၣ်တဖၣ်ဖဲတၢ်လီၢ်တၢ်ကျဲအံၤအခါန့ၣ်လီၤ. နဆဲးနုာ်လီၤမၤန့ၢ် မ့တမ့ၢ် စူးကါတၢ်မၤစၢၤတဖၣ် ဖဲတၢ်ဘိးဘၣ် ရၤလီၤဒီးပာ်ထီၣ်တၢ်သ့ၣ်တဖၣ်အံၤပၣ်ဃုာ်ဒီးနတၢ်အၢၣ်လီၤဟ့ၣ်ခွဲးလၢကမၤတၢ်ဃံးဃာ် ခီဖျိတၢ်စူးကါတၢ်ပာ်ပနီၣ် ဝံၤအလီၢ်ခံ, ဒ်တၢ်ဘှီဘၣ် မ့တမ့ၢ် မၤသီထီၣ်အီၤအသိးန့ၣ်လီၤ.

Metro Transit micro နီၢ်ကစၢ်တၢ်ဖံးတၢ်မၤဖီလစံၣ် ( https://www.metrotransit.org/micro-terms-conditions) ပာ်ဖျါထီၣ်ပကထၢဖှိၣ်ဒီးစူးကါနီၢ်ကစၢ်တၢ်ဂ့ၢ်တၢ်ကျိၤ လၢအဘၣ်ထွဲဒီးတၢ်မၤစၢၤတဖၣ်ဒ်လဲၣ်န့ၣ်လီၤ. နနၢ်ပၢၢ်ဒီးသ့ၣ်ညါလၢ တၢ်ဂ့ၢ်တၢ်ကျိၤတမံၤလၢ်လၢ်လၢနတီၣ်ဖျါထီၣ်ဆူ Metropolitan Council ဘၣ်ထွဲဒီးတၢ်မၤစၢၤအံၤ အိၣ်လၢ မံၣ်နံၣ်စိထၣ်ပဒိၣ်တၢ်ဂ့ၢ်တၢ်ကျိၤတၢ်ဖံးတၢ်မၤအဲးတၢ်သိၣ်တၢ်သီ (Minnesota Government Data Practices Act) အဖီလာ် လၢအကျၢၢ်ဘၢ တၢ်ထၢဖှိၣ်, တၢ်ဒုးအိၣ်ထီၣ်, တၢ်ပၢၤဃာ်, တၢ်ရဲၣ်သဲကတီၤ, တၢ်စူးကါ, ဒီး တၢ်ရၤလီၤဒုး သ့ၣ်ညါ “ပဒိၣ်တၢ်ဂ့ၢ်ထၢဖှိၣ်” ခီဖျိပဒိၣ်တၢ်ကရၢကရိတဖၣ်န့ၣ်လီၤ.

1. တၢ်မၤစၢၤ

တၢ်မၤစၢၤပၣ်ဃုာ်ဒီးစဲးဖီကဟၣ်ပီညါလီၢ်ကဝီၤ လၢအမၤသ့ထီၣ်ဘၣ်ထီၣ် ပှၤစူးကါ Metro Transit micro သိလ့ၣ် လီတဲစိ စိာ်စုအဲး(ပ)တၢ်ရဲၣ်တၢ်ကျဲၤ (“App”) လၢကဃ့ထီၣ်ဒီးရဲၣ်ကျဲၤတၢ်ဒိးသိလ့ၣ် လၢဘၣ်တၢ်ဟ့ၣ်လီၤအီၤခီဖျိ Metro Transit micro သိလ့ၣ်တၢ်ရဲၣ်တၢ်ကျဲၤန့ၣ်လီၤ. တၢ်ရဲၣ်ကျဲၤဒုးအိၣ်ထီၣ်တၢ်မၤစၢၤတဖၣ်အံၤထဲလၢနနီၢ်ကစၢ်, တၢ်စူးကါအီၤလၢတမ့ၢ် ပနံာ်တၢ်ကၤတဖၣ်အဂီၢ်န့ၣ်လီၤ.

2. တၢ်ကြၢးဝဲဘၣ်ဝဲလၢကစူးကါတၢ်မၤစၢၤ

ခီဖျိစူးကါ Metro Transit micro အဲး(ပ)တၢ်ရဲၣ်တၢ်ကျဲၤအဃိ, နပာ်ဖျါထီၣ်လၢနအိၣ်အစှၤကတၢၢ် 13 နံၣ် လီၤ. နမ့မ့ၢ်ပှၤဖိသၣ်အမိၢ်ပၢ် မ့တမ့ၢ် ပှၤကွၢ်ထွဲတၢ် လၢအဆဲးလီၤတ့ၢ်မံၤလၢ မ့တမ့ၢ် စူးကါတၢ်မၤစၢၤတဖၣ်လၢတအိၣ်ဒီး နတၢ် အၢၣ်လီၤဟ့ၣ်ခွဲးဘၣ်န့ၣ်, ဝံသးစူၤဆဲးကျၢပှၤဖဲ 651-602-1170.

  3. ခီပနံာ်, ပှၤနီၢ်တဂၤတၢ်ကရၢကရိ, မ့တမ့ၢ် တၢ်ကရၢကရိ. 

နမ့ၢ်စူးကါတၢ်မၤစၢၤလၢခီပနံာ်, ပှၤနီၢ်တဂၤတၢ်ကရၢကရိ, မ့တမ့ၢ် တၢ်ကရၢကရိ (တပူၤဃီ “တၢ်ကရၢကရိ”) အခၢၣ်စးန့ၣ်, နမ့ၢ်ပှၤလၢအကဲခၢၣ်စးဒီးအုၣ်ခီၣ်သးလၢန- (1) မ့ၢ်တၢ်ကရၢကရိအပှၤခၢၣ်စးလၢအန့ၢ်စိန့ၢ်ကမီၤ, (2) အိၣ်ဒီးတၢ်စိတၢ်ကမီၤ လၢကဘျးစဲန့ၢ်တၢ်ကရၢကရိဝဲန့ၣ်ဒီးတၢ်စူးကါတၢ်ပာ်ပနီၣ်တဖၣ်အံၤ, ဒီး (3) အၢၣ်လီၤတူၢ်လိာ်လၢကဘျးစဲဒီးတၢ်စူးကါတၢ်ပာ် ပနီၣ်တဖၣ်အံၤလၢတၢ်ကရၢကရိဝဲန့ၣ်အခၢၣ်စးန့ၣ်လီၤ.

  4. နမံၤစရီဒီးတၢ်နုာ်လီၤတၢ်အုၣ်သးတဖၣ်

လၢကစူးကါတၢ်မၤစၢၤတဖၣ်အဂီၢ် နကဘၣ်ဒုးအိၣ်ထီၣ်မံၤစရီ (“မံၤစရီ”) ဒီးကဘၣ်နုာ်လီၤစူးကါအီၤ ခီဖျိဟ့ၣ်လီၤမံၤ, မံၤစူးကါ, နီၣ်ဂံၢ်ခူသူၣ်, ဒီးလီတဲစိစိာ်စုနီၣ်ဂံၢ်တဖၣ်လီၤ. နမံၤစရီအံၤမ့ၢ်နတၢ်, ဒီးနတဘၣ်ဟ့ၣ်ခီဟ့ၣ်နီၤလီၤနမံၤစရီတၢ်ဂ့ၢ်တၢ် ကျိၤဒီး, မ့တမ့ၢ်ပျဲပှၤအဂၤတဂၤလၢ်လၢ်နုာ်လီၤစူးကါနမံၤစရီဘၣ်. နကဘၣ်ဟံးမူဒါလၢတၢ်ဟူးတၢ်ဂဲၤလၢအကဲထီၣ်အသးခဲလၢာ် လၢနတၢ်နုာ်လီၤစူးကါတၢ်အုၣ်သးဒီးအၢၣ်လီၤတူၢ်လိာ်လၢကစူးကါတၢ်မၤလၢအကြၢးဝဲဘၣ်ဝဲလၢကဒီသဒၢ တၢ်နုာ်လီၤစူးကါတၢ် လၢတၢ်တဟ့ၣ်အခွဲးတဖၣ် မ့တမ့ၢ် စူးကါတၢ်မၤစၢၤတဖၣ် ဒီးပၢၤဃာ်တၢ်ဂ့ၢ်တၢ်ကျိၤခူသူၣ်ဘၣ်ဃးဒီးနမံၤစူးကါဒီးနီၣ်ဂံၢ်ခူသူၣ်, ဒီးတၢ်ပီးတၢ်လီတမံၤလၢ်လၢ်လၢနစူးကါအီၤလၢနကနုာ်လီၤစူးကါတၢ်မၤစၢၤတဖၣ်န့ၣ်တက့ၢ်. နအိၣ်ဒီးမူဒါလၢနတၢ်နုာ်လီၤ တၢ်အုၣ်သးဒီးကပၢၤဃာ်နမံၤစရီတၢ်ဂ့ၢ်တၢ်ကျိၤလီၤတံၢ်လီၤဆဲးန့ၣ်လီၤ.

နပာ်ဖျါထီၣ်ဒီးအုၣ်ခီၣ်သးလၢ တၢ်ဂ့ၢ်တၢ်ကျိၤလၢနဟ့ၣ်လီၤဆူ Metro Transit micro လၢနစူးကါတၢ်မၤစၢၤအခါဒီး တၢ်ဆၢ ကတီၢ်အဂၤကိးဆၢကတီၢ်န့ၣ်ကဘၣ်မ့ၢ်ဝဲတီဝဲ, လီၤတံၢ်လီၤဆဲး, ခဲခဲအံၤ, ဒီးလၢပှဲၤဝဲန့ၣ်လီၤ. နအိၣ်ဒီးမူဒါ လၢတၢ်ဟူးတၢ်ဂဲၤ တမံၤလၢ်လၢ်လၢအကဲထီၣ်အသးလၢ တၢ်စူးကါနတၢ်နုာ်လီၤတၢ်အုၣ်သးတဖၣ်လၢတၢ်မၤစၢၤတဖၣ်အဖီခိၣ်, ပၣ်ဃုာ်ဒီးပှၤအဂၤ တဂၤဂၤအတၢ်ပာ်သူၣ်ပာ်သးလၢအလဲၤတၢ်ဒီးနၤလၢနပၣ်တံၣ်အပူၤ ဖဲစူးကါတၢ်မၤစၢၤတဖၣ်အခါန့ၣ်လီၤ.

နအၢၣ်လီၤတူၢ်လိာ်လၢနကဘိးဘၣ်သ့ၣ်ညါပှၤသတူၢ်ကလာ်ဒီးတၢ်မၤကမၣ်နတၢ်နုာ်လီၤတၢ်ဂ့ၢ်တၢ်ကျိၤတၢ်ခူသူၣ်တမံၤလၢ်လၢ် အပူၤန့ၣ်လီၤ. နမ့ၢ်အိၣ်ဒီးတၢ်ဂ့ၢ်တမံၤလၢ်လၢ်လၢနနာ်လၢ နမံၤစရီတၢ်ဂ့ၢ်တၢ်ကျိၤဘၣ်တၢ်ဟုၣ်ကွံာ်အီၤ မ့တမ့ၢ် နမံၤစရီဘၣ်တၢ် နုာ်လီၤစူးကါအီၤလၢပှၤတဂၤလၢ်လၢ်လၢတၢ်တဟ့ၣ်စိဟ့ၣ်ကမီၤအီၤန့ၣ်, နကြၢးဘိးဘၣ်သ့ၣ်ညါ Metro Transit သတူၢ်ကလာ် ခီဖျိအံမ့(လ) ဖဲ [email protected] န့ၣ်လီၤ. နအိၣ်ဒီးမူဒါထဲတဂၤဧိၤလၢ တၢ်လီၤမၢ်အိၣ်ထီၣ်တမံၤလၢ်လၢ် မ့ၢ်လၢတၢ်စူးကါနမံၤစရီလၢတအိၣ်ဒီးတၢ်ဟ့ၣ်စိဟ့ၣ်ကမီၤတမံၤလၢ်လၢ်န့ၣ်လီၤ.

နအၢၣ်လီၤတူၢ်လိာ်လၢနကကွၢ်ထွဲအီၤလီၤတံၢ်လီၤဆဲး, ဂ့ၤဂ့ၤ, ဒီးတၢ်ဂ့ၢ်တၢ်ကျိၤချုးနံၤချုးသီတဖၣ်လၢနမံၤစရီအပူၤလီၤ. နမ့ၢ်လီၤ တူာ်လီၤကာ်လၢနကကွၢ်ထွဲအီၤ လီၤတံၢ်လီၤဆဲး, လၢလၢပှဲၤပှဲၤ, ဒီးတၢ်ဂ့ၢ်တၢ်ကျိၤချုးနံၤချုးသီန့ၣ် Metro Transit ကဆိကတီၢ် တၢ်စူးကါတၢ်ပာ်ပနီၣ်တဖၣ်အံၤ ဒီးနတၢ်နုာ်လီၤမၤန့ၢ်ဒီးတၢ်စူးကါတၢ်မၤစၢၤတဖၣ်လီၤ. လၢန့ၣ်အမဲာ်ညါ, ပပၢၤဃာ်တၢ်ခွဲးတၢ် ယာ်, လၢပနီၢ်ကစၢ်ဒၣ်ဝဲတၢ်ဆၢတဲာ်အဖီခိၣ်, လၢကဘှီဘၣ်, ပာ်ပတုာ်တစိၢ်တလီၢ်, မ့တမ့ၢ် တဆဲးဟ့ၣ်တၢ်မၤစၢၤအကူာ်တမံၤ လၢ်လၢ်တဘျီလၢ်လၢ်, လၢအိၣ်ဒီး မ့တမ့ၢ် တအိၣ်ဒီးတၢ်ဘိးဘၣ်သ့ၣ်ညါနၤဘၣ်န့ၣ်လီၤ.

တၢ်လီၤဘၣ်ယိၣ်အိၣ်လၢ ပှၤသၢဖုတဖုတဖၣ်လၢတအိၣ်ဒီးအခွဲးတဖၣ် ကဘျးစဲဒီးတၢ်ဟူးတၢ်ဂဲၤလၢတဖိးသဲစး, ဒ်အမ့ၢ်တၢ်နုာ် လီၤခူသူၣ်ဒီးဟံးန့ၢ်စူးကါတၢ်ဂ့ၢ်တၢ်ကျိၤလၢ Metro Transit micro မ့တမ့ၢ် Metro Transit ပှၤဆါတၢ်အတၢ်မၤလံာ်ဃံးဃာ် တၢ်ဘံၣ်တၢ်ဘၢတၢ်မၤအကျဲ(တဖၣ်), မ့တမ့ၢ် ခီဖျိနုာ်လီၤတြီဃာ်နီၢ်ကစၢ်တၢ်ဂ့ၢ်တၢ်ကျိၤလၢအအိၣ်လၢအ့ထၢၣ်နဲးအဖီခိၣ်တဖၣ် လီၤ. Metro Transit တဟံးမူဒါလၢတၢ်ဂ့ၢ်ထၢဖှိၣ်တမံၤလၢ်လၢ်လၢပှၤသၢဖုတဖုမၤန့ၢ်အီၤလၢ ကျဲလၢတအိၣ်ဒီးတၢ်ဟ့ၣ်စိဟ့ၣ် ကမီၤအပူၤဘၣ်န့ၣ်လီၤ.

  5. တၢ်ဟ့ၣ်ခွဲးလဲစ့ၣ်လၢတအိၣ်ဒီးတၢ်ပာ်ပနီၣ် ပှၤလၢအစူးကါတၢ်ပျဲဟ့ၣ်ခွဲးအနီၣ်ဂံၢ်

ဘၣ်ဃးဒီးနတၢ်လူၤပိာ်မၤထွဲတၢ်စူးကါတၢ်ပာ်ပနီၣ်တဖၣ်အံၤန့ၣ်, Metro Transit ဟ့ၣ်လီၤနၤဒီး တၢ်ဟ့ၣ်ခွဲးလဲစ့ၣ်လၢတၢ်ပနီၣ် အီၤ, လၢတအိၣ်ဒီးတၢ်ပာ်ပနီၣ်, တမ့ၢ်-တၢ်ဟ့ၣ်ပျဲခွဲးတကတီၢ်, တၢ်ထုးကွံာ်အီၤသ့, တမ့ၢ်-တၢ်ဟ့ၣ်ခွဲးလဲစ့ၣ်လၢတၢ်ဆှၢခီအီၤ သ့-   (1) တၢ်နုာ်လီၤမၤန့ၢ်ဒီးစူးကါ အဲး(ပ) လၢနနီၢ်ကစၢ်အလီတဲစိပီးလီအဖီခိၣ်ထဲလၢနကစူးကါတၢ်မၤစၢၤတဖၣ်ဧိၤ, ဒီး (2) တၢ်နုာ်လီၤဒီးစူးကါ တၢ်ဂ့ၢ်အထံၣ်အဘီ, တၢ်ဂ့ၢ်တၢ်ကျိၤ, ဒီးတၢ်ပီးတၢ်လီဘၣ်ထွဲတဖၣ်လၢနမၤန့ၢ်အီၤသ့ခီဖျိတၢ်မၤစၢၤ, ထဲလၢတၢ်ဂ့ၢ်တခါစုာ်စုာ်အဂီၢ်လၢနနီၢ်ကစၢ်, တမ့ၢ်လၢပနံာ်တၢ်ကၤတၢ်ဖံးတၢ်မၤအဂီၢ်ဘၣ်န့ၣ်လီၤ. တၢ်ခွဲးတၢ်ယာ်တမံၤလၢ်လၢ်လၢ တၢ်တအုၣ်ကီၤဟ့ၣ်ခွဲးလၢဖဲအံၤတဖၣ် ဘၣ်တၢ်ပၢၤဃာ်အီၤလၢ Metro Transit ပှၤဟ့ၣ်အခွဲးလဲစ့ၣ်တဖၣ်န့ၣ်လီၤ.

Metro Transit ဂုာ်ကျဲးစၢးလၢကဟ့ၣ်လီၤ တၢ်ဂ့ၢ်တၢ်ကျိၤအထံၣ်အဘီ, တၢ်ဂ့ၢ်တၢ်ကျိၤ, ဒီးတၢ်ပီးတၢ်လီဘၣ်ထွဲတဖၣ်လၢ အကဲဘျုးဒီးလီၤတံၢ်လီၤဆဲး, တၢ်ဂ့ၢ်ထၢဖှိၣ်အန့ဆၢၣ် ဒီးတၢ်ဂ့ၢ်တၢ်ကျိၤအဂၤလၢတၢ်မၤန့ၢ်အီၤသ့ခီဖျိတၢ်မၤစၢၤန့ၣ် တၢ်ကဆီ တလဲအီၤခဲအံၤခဲအံၤသ့ၣ်သ့ၣ်န့ၣ်လီၤ. ဒ်န့ၣ်အသိး, တၢ်ဂ့ၢ်တၢ်ကျိၤအထံၣ်အဘီ, ဒီးတၢ်ပီးတၢ်လီဘၣ်ထွဲလၢတၢ်မၤန့ၢ်အီၤသ့ ခီဖျိတၢ်မၤစၢၤတဖၣ် ဘၣ်သ့ၣ်သ့ၣ်တမ့ၢ်ချုးနံၤချုးသီ, လီၤတံၢ်လီၤဆဲး, မ့တမ့ၢ် လၢလၢပှဲၤပှဲၤထီဘိဘၣ်.

6. တၢ်သိၣ်တၢ်သီတၢ်ဘျၢ

ဘၣ်ထွဲဒီးနတၢ်စူးကါတၢ်မၤစၢၤတဖၣ်အဂီၢ်, နအၢၣ်တူၢ်လိာ်လၢနတ-

• ဖီၣ်ဃံး မ့တမ့ၢ် တြီဃာ်ပှၤစူးကါတၢ်အဂၤတဂၤလၢ်လၢ်လၢကစူးကါတၢ်မၤစၢၤတဖၣ်, ပၣ်ဃုာ်ဒီး, လၢတအိၣ်ဒီးတၢ်ပာ် ပနီၣ်, ခီဖျိ “တၢ်နုာ်လီၤခူသူၣ်ဒီ;မၤဟးဂီၤတၢ်” မ့တမ့ၢ် မၤဟးဂီၤတၢ်မၤစၢၤအကူာ်တမံၤလၢ်လၢ်,

• စူးကါတၢ်မၤစၢၤတဖၣ်လၢတၢ်ပညိၣ်လၢတဖိးသဲစးတမံၤလၢ်လၢ်အဂီၢ်,

• ဆှၢခီၣ်ဖၠူထၢၣ်ဒွဲပူၤတၢ်ရဲၣ်တၢ်ကျဲၤတမံၤလၢ်လၢ် မ့တမ့ၢ် တၢ်ပီးတၢ်လီအဂၤလၢအပၣ်ဃုာ်ဒီး ဘဲရၢး(စ) တမံၤလၢ်လၢ်, တၢ်ဃူးတၢ်ဃၢ်, Trojan horses, တၢ်လီၤတူာ်လီၤကာ်, မုၢ်နံၤမ့ၣ်ပိၢ်, နၣ်ရံၣ်မ့ၣ်ပိၢ်, မ့တမ့ၢ် တၢ်လၢအမၤဟးဂီၤတၢ်တဖၣ် မ့တမ့ၢ် တၢ်မၤအၢမၤသီတၢ်အန့ဆၢၣ်တဖၣ်,

• ဘှီဘၣ်, ကွဲးဒိ, ဆီတလဲ, မၤဘၣ်လိာ်, တၢ်ဟ့ၣ်ခွဲးလဲစ့ၣ်လၢအကတီၢ်, ကျိးထံ, ဆါ, တၢ်မၤဟးဂီၤစဲးဖီကဟၣ်, ဃ့ၣ်လီၤ နီၣ်ဂံၢ်ခူသူၣ်, မ့တမ့ၢ် မၤကဆံကဆွဲတၢ်မၤစၢၤအကူာ်တမံၤလၢ်လၢ် မ့တမ့ၢ် ဂုာ်ကျဲးစၢးမၤန့ၢ်ဂံၢ်ခီၣ်ထံးနီၣ်ဂံၢ်တမံၤလၢ်လၢ် မ့တမ့ၢ် ဂံၢ်ခီၣ်ထံးတၢ်ထံၣ်တၢ်ဆိကမိၣ်တဖၣ် မ့တမ့ၢ် တၢ်မၤအကျဲဘၣ်ဃးဒီးတၢ်မၤစၢၤအကူာ်တမံၤလၢ်လၢ်,

• တြူာ်သံကွံာ်တၢ်ကွဲးဒိကွဲးဆဲခွဲးယာ်, ပနံာ်မံၤပနီၣ်တဖၣ်, တၢ်မၤစၢၤတၢ်ပနီၣ်, မ့တမ့ၢ် နီၢ်ကစၢ်ပၢမၤန့ၢ်ခွဲးယာ်တၢ်ဘိးဘၣ် သ့ၣ်ညါလၢအပၣ်ဃုာ်လၢတၢ်မၤစၢၤအဖီခိၣ် မ့တမ့ၢ် “တၢ်အတကွီၣ်” မ့တမ့ၢ် “မဲာ်ထံကလၤ” လၢတၢ်မၤစၢၤအကူာ်တမံၤ လၢ်လၢ်,

• စူးကါရိဘီး (robot), စပဲၣ်ဒၢၣ် (spider), တၢ်ဖးလၢတမ့ၢ်အ့ထၢၣ်နဲးအဖီခိၣ် (offline reader), တၢ်ဃုသ့ၣ်ညါပှာ်ယဲၤ သန့/တၢ်ဃုမၤန့ၢ်က့ၤအဲး(ပ)တၢ်ရဲၣ်တၢ်ကျဲၤ, မ့တမ့ၢ် လံာ်ဟံးဃာ်အဂၤ မ့တမ့ၢ် ပီးလီမၤတၢ်တဘျီဃီ မ့တမ့ၢ် တၢ်အကျိၤအကျဲလၢကမၤန့ၢ်တၢ်, လံာ်ရဲၣ်ထံး, တၢ်ဂ့ၢ်ထၢဖှိၣ်ဖးဒိၣ် (data mine), မ့တမ့ၢ် လၢကျဲအဂၤတဘိလၢ်လၢ်လၢ တၢ်ထုးထီၣ် မ့တမ့ၢ် ဃုတရံးတရး တၢ်သူၣ်ထီၣ်တၢ်ဒုးနဲၣ်ကျဲ မ့တမ့ၢ် တၢ်ပာ်ဖျါထီၣ်ဘၣ်ဃးတၢ်မၤစၢၤ မ့တမ့ၢ် အတၢ်ဂ့ၢ် တၢ်ကျိၤအထံၣ်အဘီတဖၣ် လၢတအိၣ်ဒီးတၢ်ကွဲးအၢၣ်လီၤဟ့ၣ်ခွဲးဆိ, မ့တမ့ၢ်

• ဟံးဂ့ၢ်ဝီမၤတၢ်တမံၤလၢ်လၢ်လၢ ကဆှၢနုာ်ပာ်လီၤတၢ်သိၣ်တၢ်သီ မ့တမ့ၢ် ကဆှၢနုာ်ပာ်လီၤတၢ်လၢတအိၣ်ဒီးအဂ့ၢ်အခၢး မ့တမ့ၢ် တၢ်ပာ်ထီၣ်တၢ်ဃၢတၢ်စံၣ်ဖးဒိၣ်လၢတဃူတဃီၣ်လၢပဂံၢ်ခီၣ်ထံးတၢ်သူၣ်ထီၣ်ဘှီထီၣ်တဖၣ်အဖီခိၣ် မ့တမ့ၢ် ပပှၤသၢဖုတဖု ပှၤဟ့ၣ်တၢ်မၤစၢၤ အဂံၢ်ခီၣ်ထံးတၢ်သူၣ်ထီၣ်ဘှီထီၣအဖီခိၣ်န့ၣ်လီၤ.

Metro Transit ပၢၤဃာ်တၢ်ခွဲးတၢ်ယာ်လၢကတြီနၤ ဒီးပှၤအဂၤတဖၣ်လၢအလဲၤနုာ်လီၤဆူနပၣ်တံၣ်လၢကစူးကါတၢ်မၤစၢၤ ခီဖျိ အဲး(ပ)တၢ်ရဲၣ်တၢ်ကျဲၤ ဖဲနၤ မ့တမ့ၢ် ပှၤလၢအမၤကမၣ်တၢ်သိၣ်တၢ်သီတၢ်ဘျၢ မ့တမ့ၢ် Metro Transit တၢ်သိၣ်တၢ်သီတၢ်ဘျၢ လၢပှၤစူးကါတၢ်လဲၤတၢ်က့ၤတဖၣ်အဂီၢ်လီၤ (https://www.metrotransit.org/code-of-conduct).

7. တၢ်အၢၣ်လီၤဟ့ၣ်ခွဲးလၢကတူၢ်လိာ်အံမ့(လ)ဒီးတၢ်ကွဲးဆှၢတၢ်ကစီၣ်တဖၣ်

ခီဖျိဒုးအိၣ်ထီၣ်နမံၤစရီအဃိ, နအၢၣ်လီၤတူၢ်လိာ်လၢတၢ်မၤစၢၤကဆှၢန့ၢ်နၤတၢ်ဂ့ၢ်တၢ်ကျိၤဒီးတၢ်မၤထီထီၣ်တၢ်အကံၢ်အစီ အံမ့(လ) ဒီးတၢ်ကွဲးဆှၢတၢ်ကစီၣ် (SMS) ဒ်အမ့ၢ်ပနံာ်တၢ်ကၤတၢ်ဖံးတၢ်မၤညီနုၢ်လၢနတၢ်စူးကါတၢ်မၤစၢၤတဖၣ်အကူာ် တခါအသိးန့ၣ်လီၤ. နကဃုထၢလၢနတမၤန့ၢ်အံမ့(လ)ဒီးတၢ်ကွဲးဆှၢတၢ်ကစီၣ် (SMS) တဖၣ်လၢ Metro Transit အအိၣ် သ့တဘျီလၢ်လၢ်န့ၣ်လီၤ. နသ့ၣ်ညါလၢတၢ်ဃုထၢလၢတမၤန့ၢ်အံမ့(လ) မ့တမ့ၢ် တၢ်ကွဲးဆှၢတၢ်ကစီၣ် (SMS) တဖၣ်န့ၣ် ကမၤ ဘၣ်ဒိနတၢ်သ့တၢ်ဘၣ်လၢကစူးကါတၢ်မၤစၢၤတဖၣ်န့ၣ်လီၤ.

8. တၢ်နုာ်လီၤစူးကါပှာ်ဘျးစဲဒီးပီးလီ

နအိၣ်ဒီးမူဒါလၢကပၢၤဃာ်တၢ်နုာ်လီၤစူးကါပှာ်ဘျးစဲတၢ်ဂ့ၢ်ထၢဖှိၣ်လၢအလိၣ်အိၣ်တဖၣ်လၢ ကစူးကါတၢ်မၤစၢၤတဖၣ်န့ၣ်လီၤ. နကဘၣ်ဟ့ၣ်လီတဲစိစိာ်စုပှာ်ဘျးစဲအတၢ်ဂ့ၢ်ထၢဖှိၣ်ဒီးတၢ်ကစီၣ်အပှ့ၤဒီးအလဲတဖၣ် ဖဲနမ့ၢ်နုာ်လီၤမၤန့ၢ် မ့တမ့ၢ် စူးကါ တၢ်မၤစၢၤတဖၣ်လၢ ပီးလီလၢတအိၣ်ဒီး၀ါယၢၣ်လဲး(စ) န့ၣ်လီၤ. နအိၣ်ဒီးမူဒါလၢကမၤန့ၢ်ဒီးမၤသီထီၣ် ဟး(ဒ)ဝဲပီးလီ လၢအဘၣ်လိာ်ဖိးမံလိာ်သး မ့တမ့ၢ် ပီးလီတဖၣ်လၢအလိၣ်အိၣ်လၢ ကနုာ်လီၤမၤန့ၢ်ဒီးစူးကါတၢ်မၤစၢၤတဖၣ် ဒီး အဲး(ပ) (App) ဒီးတၢ်မၤသီထီၣ်တၢ်ဂ့ၢ်တမံၤလၢ်လၢ်န့ၣ်လီၤ. Metro Transit တအုၣ်အသးလၢတၢ်မၤစၢၤတဖၣ်, မ့တမ့ၢ် တၢ်မၤ စၢၤအကူာ်တခါလၢ်လၢ်, ကမၤတၢ်လၢ ဟး(ဒ)ဝဲ မ့တမ့ၢ် ပီးလီလီၤဆီဒၣ်တၢ်တမံၤလၢ်လၢ်ဘၣ်န့ၣ်လီၤ. တကးဒံးဘၣ်, တၢ် မၤစၢၤတဖၣ်မၤကမၣ်တၢ်ဒီးစဲၤခံဒ်န့ဆၢၣ်အသိးလၢတၢ်စူးကါအ့ထၢၣ်နဲးဒီးအံၣ်လဲးထြီနံးတၢ်ဆဲးကျိးဆဲးကျၢအပူၤသ့န့ၣ်လီၤ.

9. တၢ်ဂ့ၢ်လိာ်တၢ်ပာ်ဖျါ 

တၢ်ဟ့ၣ်လီၤတၢ်မၤစၢၤတဖၣ် “ဒ်အမ့ၢ်တၢ်အသိး” ဒီး “ဒ်တၢ်မၤန့ၢ်အီၤသ့အသိး” န့ၣ်လီၤ. METRO TRANSIT ဂ့ၢ်လိာ် တၢ်ဆှၢနုာ်ပာ်ဖျါထီၣ်ဒီးတၢ်အုၣ်ခီၣ်ခဲလၢာ်, တၢ်တဲဖျါထီၣ်တၢ်, ပာ်ဖျါထီၣ်တၢ်အခီပညီ, မ့တမ့ၢ် သဲစးတၢ်သိၣ်တၢ်သီ, တၢ် တပာ်ဖျါထီၣ်အီၤလီၤတံၢ်လီၤဆဲးလၢတၢ်ပာ်ပနီၣ်လီၤအီၤလၢတၢ်စူးကါတၢ်ပာ်ပနီၣ်တဖၣ်အံၤ, ပၣ်ဃုာ်ဒီး ပာ်ဖျါထီၣ်တၢ်အခီ ပညီလၢတၢ်အုၣ်ခီၣ်တၢ်မၤပနံာ်တၢ်ကၤ, တၢ်ကြၢးဝဲဘၣ်ဝဲလၢတၢ်ပညိၣ်လီၤဆီဒၣ်တၢ်အဂီၢ်, ဒီးတမ့ၢ် တၢ်တတရီတပါဘၣ် န့ၣ်လီၤ. တကးဒံးဘၣ်, METRO TRANSIT တမၤတၢ်ဆှၢနုာ်ပာ်ဖျါ, တၢ်အုၣ်ခီၣ်, မ့တမ့ၢ် အုၣ်အသးဘၣ်ထွဲဒီး တၢ်နာ်န့ၢ် သ့, တၢ်ဆၢကတီၢ်ပနိ, တၢ်အကံၢ်အစီ, တၢ်ကြၢးဝဲဘၣ်ဝဲ, မ့တမ့ၢ် တၢ်မၤစၢၤလၢတၢ်မၤန့ၢ်အီၤသ့တဖၣ် မ့တမ့ၢ် တၢ်မၤစၢၤလၢ တၢ်ဃ့ထီၣ်အီၤတမံၤလၢ်လၢ်ခီဖျိတၢ်စူးကါတၢ်မၤစၢၤတဖၣ်, မ့တမ့ၢ် တၢ်မၤစၢၤတဖၣ်အံၤတဘၣ်တၢ်မၤတံာ်တာ်အီၤ မ့တမ့ၢ် ပူၤဖျဲးဒီးတၢ်ကမၣ်န့ၣ်လီၤ. နအၢၣ်လီၤအီလီၤလၢ တၢ်ကီတၢ်ခဲဒီတခါလၢအအိၣ်ထီၣ်လၢနတၢ်စူးကါတၢ်မၤစၢၤတဖၣ်အံၤ, ဒီး တၢ်မၤစၢၤတမံၤလၢ်လၢ်လၢတၢ်ဃ့ထီၣ်အီၤခီဖျိတၢ်စူးကါတၢ်မၤစၢၤတဖၣ်န့ၣ်, ကအိၣ်ဒီးနၤထဲတဂၤဧိၤ, ဒီးတၢ်ဟ့ၣ်အခွဲးအ တကွီၣ်အအါကတၢၢ်လၢသဲစးတၢ်သိၣ်တၢ်သီလၢအကြၢးဝဲဘၣ်ဝဲန့ၣ်လီၤ.

10. တၢ်ပာ်ပနီၣ်မူဒါ

ပူၤကွံာ်သဲစးတၢ်သိၣ်တၢ်သီဃ့ထီၣ်, METRO TRANSIT တအိၣ်ဒီးမူဒါလၢကျဲအဂၤ, တၢ်လၢအကဲထီၣ်သးဘၣ်ဆၢၣ်ဘၣ် တီၤ, တၢ်လီၤဆီ, လၢအကဲဒိဂ့ၤတဲာ်ဘၣ်, လၢအသိၣ်ဃီၣ်တၢ်, မ့တမ့ၢ် တၢ်ဟးဂီၤပိာ်ထွဲထီၣ်အခံတဖၣ်, ပၣ်ဃုာ်ဒီးတၢ်န့ၢ်ဘျုး လီၤမၢ်, တၢ်ဂ့ၢ်ထၢဖှိၣ်လီၤမၢ်, နီၢ်ကစၢ်တၢ်ဘၣ်ဒိဘၣ်ထံး, မ့တမ့ၢ်တၢ်စုလီၢ်ခီၣ်ခိၣ်ဟးဂီၤဘၣ်ထွဲဒီး, ဘျးစဲဒီး, မ့တမ့ၢ်တခီ တၢ် လၢအဟဲကဲထီၣ်အသးလၢတၢ်စူးကါတၢ်မၤစၢၤတမံၤလၢ်လၢ်, ဖဲ METRO TRANSIT ဟ့ၣ်ကူၣ်ဟ့ၣ်ဖးတ့ၢ်လၢ တၢ်ဟးဂီၤဒ်သိး အံၤတဖၣ်ကဲထီၣ်အသးသ့ဒၣ်လဲာ်န့ၣ်လီၤ. METRO TRANSIT တအိၣ်ဒီးမူဒါလၢတၢ်ဟးဂီၤ, မူဒါ, မ့တမ့ၢ် တၢ်လီၤမၢ်တမံၤ လၢ်လၢ်လၢအအိၣ်ထီၣ်လၢ- (1) နတၢ်စူးကါ မ့တမ့ၢ် တၢ်ဒိးသန့ၤထီၣ်အသးလၢတၢ်မၤစၢၤအဖီခိၣ်, (2) နနုာ်လီၤမၤန့ၢ် မ့တမ့ၢ် စူးကါတၢ်မၤစၢၤတဖၣ်တသ့, (3) တၢ်နုာ်လီၤမၤန့ၢ်တၢ် မ့တမ့ၢ် တၢ်စူးကါ နီၢ်တဂၤတၢ်ဂ့ၢ်တၢ်ကျိၤ ဒီး/မ့တမ့ၢ် ကျိၣ်စ့တၢ်ဂ့ၢ်တၢ် ကျိၤတမံၤလၢ်လၢ်လၢတၢ်ပာ်ကီၤဃာ်အီၤလၢပ မ့တမ့ၢ် ပပှၤခၢၣ်စးတဖၣ်အစၢၣ်ဘၢၣ် (SERVERS) အဖီခိၣ်လၢတအိၣ်ဒီး တၢ်ဟ့ၣ်အခွဲး, မ့တမ့ၢ် (4) တၢ်ကမၣ်, တၢ်တဘၣ်, တၢ်တလီၤတံၢ်လီၤဆဲး, မ့တမ့ၢ် တၢ်ပာ်လီၤတဲာ်တ့ၢ်တၢ်လၢတၢ်ပီးတၢ်လီ တမံၤလၢ်လၢ်အပူၤ, မ့တမ့ၢ် တၢ်လီၤမၢ်တမ့ၤလၢ်လၢ် မ့တမ့ၢ် တၢ်ဟးဂီၤအကလုာ်တမံၤလၢ်လၢ်လၢအကဲထီၣ်အသးမ့ၢ်လၢ တၢ် စူးကါလံာ်တီလံာ်တီတမံၤလၢ်လၢ်လၢတၢ်ပာ်ထီၣ်အီၤ, အံမ့(လ), ဆှၢခီအီၤ, မ့တမ့ၢ် မၤဒ်သိးတၢ်မၤန့ၢ်အီၤကသ့ခီဖျိတၢ်မၤစၢၤ တဖၣ်, ဖဲ METRO TRANSIT မ့ၢ်ဟ့ၣ်ကူၣ်လၢတၢ်ဟးဂီၤဒ်သိးအံၤအသိးတဖၣ်ကဲထီၣ်သ့အခါဒၣ်လဲာ်န့ၣ်လီၤ. METRO TRANSIT တအိၣ်ဒီးမူဒါလၢတၢ်မၤတၢ်စဲၤခံ မ့တမ့ၢ် လီၤတူာ်လီၤကာ်လၢ အကဲထီၣ်အသးလၢ တလၢကွံာ် METRO TRANSIT ပၢဆှၢအီၤသ့ဘၣ်န့ၣ်လီၤ.  METRO TRANSIT တဟ့ၣ်လီၤကွံာ်တၢ်ပာ်ပနီၣ်မူဒါတမံၤလၢ်လၢ် မ့တမ့ၢ် တၢ်ဒီသဒၢလၢတၢ်ဟ့ၣ်လီၤလၢအဖီခိၣ် လၢကီၢ်စဲၣ်, ဖဲၣ်ဒရၢၣ်, မ့တမ့ၢ် သဲစးတၢ်သိၣ်တၢ်သီအဂၤတဖၣ်ဘၣ်န့ၣ်လီၤ.

  11. တၢ်ဟ့ၣ်အီၣ်လိးက့ၤတၢ်

နအၢၣ်လီၤတူၢ်လိာ်လၢနကဟ့ၣ်အီၣ်လိးတၢ်ဒီးပၢၤဃာ် Metropolitan Council ဒီးအကရၢဖိတဖၣ်, တၢ်မၤခိၣ်တဖၣ်, ပှၤမၤတၢ် ဖိတဖၣ်, ဒီးပှၤခၢၣ်စးတဖၣ် ကပူၤဖျဲးဒီးတၢ်ဘၣ်ဒိဘၣ်ထံးလၢ တၢ်ဃ့ထီၣ်, တၢ်မိၣ်န့ၢ်သးလီ, တၢ်လီၤမၢ်, မူဒါတဖၣ်, ဒီးတၢ်လၢာ်ဘူၣ်လၢာ်စ့ၤတမံၤလၢ်လၢ်ဒီးခဲလၢာ် (ပၣ်ဃုာ်ဒီးပီၢ်ရီအပှ့ၤ), လၢအဟဲအိၣ်ထီၣ် မ့တမ့ၢ် ဘၣ်ထွဲဒီး -(1)နတၢ်စူးကါ တၢ်မၤစၢၤတဖၣ် မ့တမ့ၢ် တၢ်မၤစၢၤတဖၣ်လၢတၢ်မၤန့ၢ်အီၤခီဖျိနတၢ်စူးကါတၢ်မၤစၢၤတဖၣ်, (2) နတၢ်မၤကမၣ် မ့တမ့ၢ် လုၢ် သ့ၣ်ခါပတာ်တၢ်စူးကါတၢ်ပာ်ပနီၣ်တဖၣ်အံၤတမံၤလၢ်လၢ်, မ့တမ့ၢ် (3) နတၢ်လုၢ်သ့ၣ်ခါပတာ်ပှၤသၢဖုတဖုအတၢ်ခွဲးတၢ်ယာ် တမံၤလၢ်လၢ်, လၢတအိၣ်ဒီး, ခဲလၢာ်, ဟ့ၣ်လီၤကွံာ်ပဒိၣ်တၢ်ပူၤဖျဲးဒီးတၢ်ဘၣ်ဟ့ၣ်အီၣ်လိးတၢ် မ့တမ့ၢ် တၢ်ပာ်ပနီၣ်တၢ်အိၣ်ဒီးမူ ဒါဒီး Metropolitan Council လၢ Minnesota မ့တမ့ၢ် သဲစးတၢ်သိၣ်တၢ်သီအဂၤအဖီလာ်န့ၣ်လီၤ.

12. တၢ်ဆိကတီၢ်

တၢ်စူးကါတၢ်ပာ်ပနီၣ်တဖၣ်အံၤ ကဘၣ်တၢ်စူးကါအီၤတုၤလီၤတီၤလီၤတုၤလၢ ဘၣ်တၢ်ဆိကတီၢ်ကွံာ်ဒ်တၢ်ပာ်ပနီၣ်ဟဲဝဲအသိး န့ၣ်လီၤ. ပပၢၤဃာ်တၢ်ခွဲးတၢ်ယာ်လၢကဆိကတီၢ်တၢ်စူးကါတၢ်ပာ်ပနီၣ်တဖၣ်အ့ၤသတူၢ်ကလာ်ဒီးနတၢ်မနုာ်လီၤမၤန့ၢ်ဒီးစူးကါ တၢ်မၤစၢၤတဖၣ် မ့တမ့ၢ် တၢ်မၤစၢၤတကူာ်လၢ်လၢ်, တဘျီလၢ်လၢ်ဒီးလၢတၢ်ဂ့ၢ်တမံၤလၢ်လၢ်အဃိ, လၢအိၣ်ဒီး မ့တမ့ၢ် တအိၣ်ဒီး တၢ်ဂ့ၢ်ဘၣ်န့ၣ်လီၤ. လၢန့ၣ်အမဲာ်ညါ, ပပၢၤဃာ်တၢ်ခွဲးတၢ်ယာ်, လၢပနီၢ်ကစၢ်အတၢ်ဆၢတဲာ်ဒၣ်ဝဲအဖီခိၣ်, လၢကဘှီဘၣ်, ပာ်ပတုာ်တစိၢ်တလီၢ်, မ့တမ့ၢ တဆဲးမၤတၢ်မၤစၢၤတကူာ်လၢ်လၢ်တဘျီလၢ်လၢ်, လၢအိၣ်ဒီး မ့တမ့ၢ် တအိၣ်ဒီးတၢ်ဘိးဘၣ်သ့ၣ် ညါနၤန့ၣ်လီၤ. ဖဲတၢ်ဆိကတီၢ်တၢ်စူးကါတၢ်ပာ်ပနီၣ်တဖၣ်အခါ, နတၢ်ခွဲးတၢ်ယာ်လၢကစူးကါတၢ်မၤစၢၤတဖၣ်ကပတုာ်တဘျီဃီ န့ၣ်လီၤ. နအၢၣ်လီၤတူၢ်လိာ်လၢ Metro Transit ကပာ်ပတုာ် မ့တမ့ၢ် ထူးသံကွံာ်နနီၣ်ဂံၢ်ခူသူၣ်ဒီးမံၤစူးကါ, ဒီးတၢ်ဂ့ၢ်တၢ်ကျိၤ လၢအဘၣ်ထွဲခဲလၢာ်ဒီးလံာ်တြံာ်လၢအဘၣ်ထွဲဒီးတၢ်အံၤ, ဒီး/မ့တမ့ၢ် တြီတၢ်နုာ်လီၤမၤန့ၢ်တၢ်ဂ့ၢ်တၢ်ကျိၤတဖၣ်န့ၣ် မ့တမ့ၢ် လံာ်တြံာ်တဖၣ်န့ၣ်လီၤ.

13. တၢ်ဃုထၢသဲစးတၢ်သိၣ်တၢ်သီ

တၢ်စူးကါတၢ်ပာ်ပနီၣ်တဖၣ်အံၤဒီးတၢ်ခွဲးတၢ်ယာ်တဖၣ်ဒီးပှၤလၢအဘၣ်ထွဲကိးကပၤဒဲးအမူအဒါလၢတၢ်စူးကါတၢ်ပာ်ပနီၣ်တၢ်စူးကါတဖၣ်အံၤန့ၣ်ကဘၣ်တၢ်ပၢဆှၢအီၤလၢ, ဒီးနၢ်ပၢၢ်ဒီးတဲနၢ်ပၢၢ်အီၤဒ်, မံၣ်နံၣ်စိထၣ်ကီၢ်စဲၣ်အသဲစးတၢ်သိၣ်တၢ်သီဟဲဝဲအသိး လၢတအိၣ်ဒီးတၢ်ဟ့ၣ်လီၤတၢ်ဒိဘၣ်လၢ သဲစးတၢ်သဘံၣ်ဘုၣ်တၢ်သိၣ်တၢ်သီမိၢ်ပှၢ်အဖီခိၣ်ဘၣ်န့ၣ်လီၤ. တၢ်ထံၣ်လိာ်သးလၢ ကွီၢ်ဘျီၣ်တၢ်လိာ်ဘၢလိာ်ကွီၢ်လၢအဘၣ်ထွဲဒီးတၢ်စူးကါတၢ်ပာ်ပနီၣ်တဖၣ် ကမၤအသးလၢကီၢ်စဲၣ်ဒီးဖဲၣ်ဒရၢၣ်ကီၢ်ဘျီၣ်အပူၤဒီး တၢ်စံၣ်ညီၣ်တၢ်သ့အလီၢ်ကဝီၤလၢအိၣ်လၢ Hennepin မ့တမ့ၢ် Ramsey ကီၢ်ရ့ၣ်ခီးထံၣ်, Minnesota အပူၤ ဒီးနတၢ်အၢၣ် လီၤဟ့ၣ်ခွဲးလၢတၢ်လဲလိာ်ဆီတလဲအီၤတသ့ လၢကီၢ်ဘျီၣ်တၢ်စံၣ်ညီၣ်တဲာ်အလီၢ်ကဝီၤလၢ Hennepin ဒီး Ramsey ကီၢ်ရ့ၣ် ခီးထံၣ်, Minnesota အပူၤ ဒီးတၢ်ဂ့ၢ်လိာ်ဘှီလိာ်ခဲလၢာ်လၢအအိၣ်ထီၣ်လၢတၢ်စူးကါတၢ်ပနီၣ်တဖၣ်န့ၣ်လီၤ.

14. တၢ်ဘိးဘၣ်သ့ၣ်ညါ

Metro Transit ကဟ့ၣ်လီၤတၢ်ဘိးဘၣ်သ့ၣ်ညါ ခီဖျိတၢ်ဘိးဘၣ်သ့ၣ်ညါထီရီၤလၢတၢ်မၤစၢၤတဖၣ်အဖီခိၣ်, တၢ်ဆှၢလံာ်ခီဖျိ အံၣ်လဲးထြီနံးအကျိၤအကျဲဆူနအံမ့(လ) လၢနမံၤစရီအပူၤ, မ့တမ့ၢ် တၢ်ဆဲးကျိးဆဲးကျၢလၢတၢ်ကွဲးအပူၤ လၢကဘၣ်တၢ်ဆှၢ အီၤဒီးတၢ်ဆှၢလံာ်ပရၢအဂ့ၤကတၢၢ်အပတီၢ် မ့တမ့ၢ် တၢ်ဆှၢလံာ်လၢတၢ်ဟ့ၣ်ဆိတၢ်အပှ့ၤဆူလီၢ်အိၣ်ဆိးထံးလၢအအိၣ်လၢ နမံၤ စရီအပူၤ, ဖဲနမ့ၢ်ဟ့ၣ်လီၤတခါန့ၣ်လီၤ. တၢ်ဘိးဘၣ်သ့ၣ်ညါလၢတၢ်ဟ့ၣ်လီၤအီၤတဖၣ်အံၤတၢ်ပာ်ပနီၣ်တၢ်ဆၢကတီၢ် ကလၢာ် ကွံာ်လၢ 48 နံၣ်အတီၢ်ပူၤ ဖဲတၢ်ဆှၢလီၤလံာ်ပရၢ မ့တမ့ၢ် ပာ်ထီၣ်အီၤ မ့တမ့ၢ် ဖဲတၢ်ဆှၢအီၤလၢအံမ့(လ) 12 နၣ်ရံၣ်အတီၢ်ပူၤ ဝံၤအလီၢ်ခံန့ၣ်လီၤ. နဟ့ၣ်လီၤတၢ်ဘိးဘၣ်သ့ၣ်ညါဆူ Metro Transit, တၢ်ကပာ်ပနီၣ်လၢတၢ်ဒိးန့ၢ်ဘၣ်တၢ်ဘိးဘၣ်သ့ၣ်ညါအံၤ လၢ Metro Transit ဖဲတၢ်ဖံးတၢ်မၤတၢ်နၣ်ရံၣ်ညီနုၢ်အကတီၢ်, ခီဖျိတၢ်ဆှၢလံာ်အဂ့ၤကတၢၢ်အပတီၢ် မ့တမ့ၢ် တၢ်ဆှၢလံာ်ပရၢ လၢတၢ်ဟ့ၣ်ဆိအပှ့ၤဆူ Metro Transit, 560 6th Avenue North, Minneapolis, MN 55411 (ဆူ-  Metro Transit micro) မ့တမ့ၢ် ခီဖျိ  [email protected] န့ၣ်လီၤ.

15. တၢ်ဂ့ၢ်ထီရီၤ

နပာ်ပနီၣ်လီၤတၢ်စူးကါတၢ်ပာ်ပနီၣ်လၢတအိၣ်ဒီး Metro Transit အတၢ်အၢၣ်လီၤအုၣ်ကီၤဟ့ၣ်ခွဲးဆိတသ့ဘၣ်န့ၣ်လီၤ. တၢ် ဟ့ၣ်လီၤအးလီၤတၢ်မၤတမံၤလၢ်လၢ် လၢအလုၢ်သ့ၣ်ခါပတာ်တၢ်အကူာ်အံၤန့ၣ်တဖိးမံဘၣ်န့ၣ်လီၤ. တၢ်တအိၣ်ဒီးတၢ်မၤဃုာ်မၤ သကိးတၢ်, တၢ်နုာ်လီၤပၣ်ဃုာ်, တၢ်ဖံးတၢ်မၤ, မ့တမ့ၢ် ခၢၣ်စးကရၢတၢ်ရ့လိာ်ဘၣ်ထွဲလၢအအိၣ်ပာ်စၢၤတဖၣ်လၢနၤဒီး Metro Transit အဘၢၣ်စၢၤ မ့ၢ်လၢတၢ်စူးကါတၢ်ပာ်ပနီၣ်တဖၣ်အံၤ မ့တမ့ၢ် နစူးကါတၢ်မၤစၢၤတဖၣ်အံၤအဃိဘၣ်န့ၣ်လီၤ. တၢ်စူးကါ တၢ်ပာ်ပနီၣ်တၢ်သိၣ်တၢ်သီမိၢ်ပှၢ်တမံၤလၢ်လၢ်အံၤ မ့ၢ်တဖိးသဲစးဘၣ် မ့တမ့ၢ် တၢ်ဒုးလူၤပိာ်မၤထွဲအီၤမ့ၢ်တသ့လၢ ကွီၢ်ဘျီၣ်အတၢ် စံၣ်ညီၣ်တဲာ်တၢ်သ့လီၢ်ကဝီၤဘၣ်န့ၣ်, တၢ်သိၣ်တၢ်သီမိၢ်ပှၢ်သနိအံၤတၢ်ကဟံးဃာ်အီၤဒီးတၢ်သိၣ်တၢ်သီသနိလၢအိၣ်လီၤတဲာ် တဖၣ်တၢ်ကဒုးလူၤပိာ်မၤထွဲအီၤလၢလၢပှဲၤပှဲၤလၢသဲစးတၢ်သိၣ်တၢ်သီအဖီလာ်န့ၣ်လီၤ. Metro Transit အတၢ်လီၤတူာ်လီၤကာ် လၢကဒုးလူၤပိာ်မၤထွဲတၢ်ခွဲးတၢ်ယာ် မ့တမ့ၢ် တၢ်သိၣ်တၢ်သီသနိတမံၤလၢ်လၢ်လၢတၢ်စူးကါတၢ်ပနီၣ်တဖၣ်အံၤအပူၤန့ၣ် တပၣ် ဃုာ်ဒီးတၢ်ဟ့ၣ်လီၤကွံာ်တၢ်ခွဲးတၢ်ယာ် မ့တမ့ၢ် တၢ်သိၣ်တၢ်သီသနိအံၤ မ့တမ့ၢ်ဘၣ်လၢတၢ်အၢၣ်လီၤလၢသ့ၣ်ညါဒီးအၢၣ်လီၤတူၢ် လိာ်အီၤလၢ Metro Transit လၢတၢ်ကွဲးအပူၤန့ၣ်လီၤ.

16. စးထီၣ်စူးကါမုၢ်နံၤ

လါစဲးပတ့ဘၢၣ် 5 သီ, 2022.

---

METRO TRANSIT MICRO ပှၤနီၢ်တဂၤတၢ်ဖံးတၢ်မၤဖီလစံၣ်

Metro Transit micro မ့ၢ်ဝဲ သိလ့ၣ်တၢ်လဲၤတၢ်က့ၤတၢ်မၤစၢၤတဖၣ်လၢဘၣ်တၢ်ဟ့ၣ်လီၤအီၤလၢ Metropolitan Council ခီဖျိ Metropolitan ဝံစိာ်တီဆှၢတၢ်မၤစၢၤ (MTS) ဒီး Metro Transit ခီပနံာ်ဝဲၤဒ့တဖၣ် (“Metro Transit,” “ပ,” “ပှၤ,” မ့တမ့ၢ် “ပဝဲ”). The Metro Transit micro တၢ်စူးကါတၢ်ပာ်ပနီၣ် (https://www.metrotransit.org/micro-terms-conditions) ကျၢၢ်ဘၢနတၢ်နုာ်လီၤဒီးစူးကါအဲး(ပ)တၢ်ရဲၣ်တၢ်ကျဲၤ တဖၣ်, ပှာ်ယဲၤသန့တဖၣ်, တၢ်ဂ့ၢ်တၢ် ကျိၤတဖၣ်, ပနံာ်တၢ်ကၤတဖၣ်, ဒီးတၢ်မၤစၢၤတဖၣ် ( “တၢ်မၤစၢၤတဖၣ်”) Metro Transit micro အိးထီၣ်ဝဲဒၣ်လ။တၢ်မၤန့ၢ်အီၤသ့န့ၣ်လီၤ. တၢ်မၤစၢၤပၣ်ဃုာ်ဒီးစဲးဖီကဟၣ်ပီညါလီၢ်ကဝီၤ လၢအမၤသ့ထီၣ် ဘၣ်ထီၣ် ပှၤစူးကါ Metro Transit micro လီတဲစိ စိာ်စုအဲး(ပ)တၢ်ရဲၣ်တၢ်ကျဲၤ (“App”) လၢကဃ့ထီၣ်ဒီးရဲၣ်ကျဲၤ တၢ်ဒိးသိလ့ၣ် လၢဘၣ်တၢ်ဟ့ၣ်လီၤအီၤခီဖျိ Metro Transit micro တၢ်ရဲၣ်တၢ်ကျဲၤန့ၣ်လီၤ. ပှၤနီၢ်တဂၤတၢ်ဖံးတၢ်မၤ ဖီလစံၣ် ("ပှၤနီၢ်တဂၤတၢ်ဖံးတၢ်မၤဖီလစံၣ်") ပာ်ဖျါထီၣ်လၢ ပကထၢဖှိၣ်ဒီးစူးကါနီၢ်ကစၢ်တၢ်ဂ့ၢ်တၢ်ကျိၤ လၢနတီၣ်ဖျါထီၣ်အီၤ လၢအဘၣ်ထွဲဒီးတၢ်မၤစၢၤတဖၣ်ဒီး နတၢ်စူးကါအဲး(ပ)ဒ်လဲၣ် န့ၣ်လီၤ. ဝံသးစူၤဖးပှၤနီၢ်တဂၤ တၢ်ဖံးတၢ်မၤ ဖီလစံၣ်အံၤလီၤတံၢ်လီၤ ဆဲး တချုးလၢနနုာ်လီၤမၤန့ၢ် မ့တမ့ၢ် စူးကါတၢ်မၤစၢၤတဖၣ်တက့ၢ်.

နတၢ်နုာ်လီၤမၤန့ၢ်ဒီးတၢ်စူးကါတၢ်မၤစၢၤတဖၣ် ပၣ်ဃုာ်ဒီးနတၢ်အၢၣ်လီၤအီလီၤလၢကမၤတၢ်ဃံးဃာ် ခီဖျိ Metro Transit micro တၢ်စူးကါတၢ်ပာ်ပနီၣ်တဖၣ်န့ၣ်လီၤ. နမ့ၢ်တအၢၣ်လီၤတူၢ်လိာ်တၢ်စူးကါတၢ်ပာ်ပနီၣ်တဖၣ်အံၤန့ၣ်, နနုာ်လီၤမၤန့ၢ် မ့တမ့ၢ် စူးကါတၢ်မၤစၢၤတဖၣ် အံၤတသ့ဘၣ်န့ၣ်လီၤ. Metro Transit ကဘှီဘၣ် မ့တမ့ၢ် မၤသီထီၣ်ပှၤနီၢ်တဂၤတၢ်ဖံးတၢ်မၤဖီလစံၣ် တဖၣ်အံၤတကတီၢ်ဘၣ်တကတီၢ်န့ၣ်လီၤ. တၢ်ဘှီဘၣ်ဒီးတၢ်မၤသီထီၣ်တဖၣ်တၢ်စးထီၣ်စူးကါအီၤသ့တုၤလီၤတီၤလီၤဖဲ တၢ်ပာ် ထီၣ်တၢ်ဘှီဘၣ်ဒီးတၢ်မၤသီထီၣ်တဖၣ်ဖဲတၢ်လီၢ်တၢ်ကျဲအံၤအခါန့ၣ်လီၤ. 

တၢ်ဂ့ၢ်တၢ်ကျိၤတမံၤလၢ်လၢ်လၢနတီၣ်ဖျါထီၣ်ဆူ Metropolitan Council ဘၣ်ထွဲဒီးတၢ်မၤစၢၤအံၤ အိၣ်လၢ မံၣ်နံၣ်စိထၣ် ပဒိၣ်တၢ်ဂ့ၢ်တၢ်ကျိၤတၢ်ဖံးတၢ်မၤအဲးတၢ်သိၣ်တၢ်သီ (Minnesota Government Data Practices Act 13) အဖီလာ် လၢအကျၢၢ်ဘၢ တၢ်ထၢဖှိၣ်, တၢ်ဒုးအိၣ်ထီၣ်, တၢ်ပၢၤဃာ်, တၢ်ရဲၣ်သဲကတီၤ, တၢ်စူးကါ, ဒီး တၢ်ရၤလီၤဒုး သ့ၣ်ညါ “ပဒိၣ် တၢ်ဂ့ၢ်ထၢဖှိၣ်” ခီဖျိပဒိၣ်တၢ်ကရၢကရိတဖၣ်န့ၣ်လီၤ. Tennessen တၢ်ဟ့ၣ်ပလီၢ်တဖၣ်တၢ်ထၢနုာ်လီၤဃုာ်လၢ ပှၤနီၢ်တဂၤတၢ် ဖံးတၢ်မၤဖီလစံၣ်အံၤအပူၤခီဖျိတၢ်ကွၢ်သြတဲၤဒီးတၢ်လဲၤကွၢ်အီၤသ့ဖဲ [ https://www.metrotransit.org/micro-terms-conditions ].

1. Metro Transit micro အဲး(ပ) (App) တၢ်ရဲၣ်တၢ်ကျဲၤ

Metro Transit တထၢဖှိၣ် မ့တမ့ၢ် ပၢၤဃာ်နီၢ်ကစၢ်တၢ်ဂ့ၢ်တၢ်ကျိၤလၢပှၤပှ့ၤစူးကါတၢ်မၤစၢၤအအိၣ် ခီဖျိတၢ်ထုးလီၤမၤန့ၢ်, တၢ် သွီနုာ်လီၤ, မ့တမ့ၢ် စူးကါ App လၢ Apple, Android, မ့တမ့ၢ် Windows ချုးစိၤ မ့တမ့ၢ် လီတဲစိစိာ်စုပီးလီတဖၣ်အဖီခိၣ် ဘၣ်န့ၣ်လီၤ. ဒ်လဲၣ်ဂ့ၤ, တၢ်ထၢဖှိၣ်နီၢ်ကစၢ်တၢ်ဂ့ၢ်တၢ်ကျိၤဖဲပှၤပှ့ၤစူးကါတၢ်မၤစၢၤစူးကါ App လၢကဆဲးလီၤမံၤလၢ Metro Transit micro မံၤစရီအခါန့ၣ်လီၤ .

2. နတၢ်ဂ့ၢ်တၢ်ကျိၤ

ဖဲနအိးထီၣ်ပပှာ်ယဲၤသန့အခါ, ပဒိးန့ၢ်ဘၣ်နခီၣ်ဖၠူထၢၣ်အအ့ထၢၣ်နဲးတၢ်အၢၣ်လီၤအီလီၤ (IP) နီၣ်ဂံၢ်တဘျီဃီ လၢနကဟ့ၣ် လီၤပှၤဒီးတၢ်ဂ့ၢ်တၢ်ကျိၤလၢအမၤစၢၤပှၤလၢပကမၤလိန့ၢ်ဘၣ်ဃးဒီးနဘြီစၢၣ်ဒီးတၢ်ဖံးတၢ်မၤအကျဲသနူန့ၣ်လီၤ.

3. တၢ်အၢၣ်လီၤဟ့ၣ်ခွဲး

ဖဲနဟ့ၣ်လီၤပှၤဒီးနီၢ်ကစၢ်တၢ်ဂ့ၢ်တၢ်ကျိၤလၢကမၤပှဲၤတၢ်ဆါတၢ်ပှ့ၤ မ့တမ့ၢ် တၢ်ရဲၣ်လီၤကျဲၤလီၤလၢတၢ်ဒိးသိလ့ၣ်အဂီၢ်အခါ, ပကစူးကါနနီၢ်ကစၢ်တၢ်ဂ့ၢ်တၢ်ကျိၤလၢကပိာ်ထွဲနတၢ်စူးကါအဲး(ပ) (App) ဒီးလၢတၢ်ပဲာ်ထံနီၤဖးတၢ်ဖံးတၢ်မၤဒီးတၢ်ဟူးတၢ်ဂဲၤ တၢ်ဂ့ၢ်တၢ်ပီၢ်တဖၣ်အဂီၢ်န့ၣ်လီၤ.

ပမ့ၢ်ဃ့ထီၣ်နနီၢ်ကစၢ်တၢ်ဂ့ၢ်တၢ်ကျိၤလၢတၢ်ပညိၣ်လၢတၢ်တဒုးနဲၣ်ပာ်ဖျါထီၣ်အီၤလၢ Tennessen တၢ်ဟ့ၣ်ပလီၢ်အပူၤဘၣ်န့ၣ် ပကဃ့နၤလၢ နကဟ့ၣ်လီၤတၢ်အၢၣ်လီၤဟ့ၣ်ခွဲးအဂီၢ် မ့တမ့ၢ် ဟ့ၣ်လီၤနၤဒီးတၢ်ခွဲးဂ့ၤယာ်ဘၣ်လၢကတဲဟၢၣ်အၢလၢတၢ်ပညိၣ် အသီအဂီၢ် န့ၣ်လီၤ.

နမ့ၢ်ဆီတလဲနတၢ်ဆိကမိၣ်ဘၣ်ဃးဒီးတၢ်ဟ့ၣ်ခီဟ့ၣ်နီၤလီၤနီၢ်ကစၢ်တၢ်ဂ့ၢ်တၢ်ကျိၤဒီးပှၤ ဖဲနစးထီၣ်စူးကါတၢ်မၤစၢၤတဖၣ်ဒီး App ဝံၤအလီၢ်ခံန့ၣ်, နဆိကတီၢ်နတၢ်အၢၣ်လီၤဟ့ၣ်ခွဲးလၢပဂီၢ်လၢကဆဲးကျၢဒီးနၤ, လၢကဆဲးထၢဖှိၣ်, စူးကါ မ့တမ့ၢ် မၤဖျါ ထီၣ်နတၢ်ဂ့ၢ်တၢ်ကျိၤ, တဘျီလၢ်လၢ်, ခီဖျိဆဲးကျိးပှၤဖဲ (https://www.metrotransit.org/contact-us) မ့တမ့ၢ် ဆှၢလံာ် ပရၢဆူပအိၣ်ဖဲ-: Metro Transit, 560 6th Avenue North, Minneapolis, MN 55411 (ဆူ- Metro Transit micro တၢ်တိာ်ကျဲၤ) မ့တမ့ၢ် ခီဖျိ [[email protected]] သ့န့ၣ်လီၤ.

ပကစူးကါပီးလီဒွဲပူၤတၢ်ရဲၣ်တၢ်ကျဲၤတၢ်ဒုးအိၣ်ထီၣ်တၢ်ပီးလီအစူၣ် (SDKs) လၢအလီၤဆီလိာ်သး လၢဘၣ်တၢ်ကွၢ်ထံဆိကမိၣ် တၢ်ပိာ်ထွဲထီၣ်စဲးဖီကဟၣ်ပီညါအကျိၤအကျဲ (cookies) လၢကဟ့ၣ်ရၤလီၤတၢ်မၤစၢၤန့ၣ်လီၤ. ပကပိာ်ထွဲထီၣ်စ့ၢ်ကီးနတၢ်ဟူး တၢ်ဂဲၤတဖၣ်လၢ App အံၤအပူၤလၢတၢ်စူးကါတၢ်ဖံးတၢ်မၤဒီးတၢ်ဖံးတၢ်မၤတၢ်ပညိၣ်တဖၣ်လီၤဆီဒၣ်တၢ်န့ၣ်လီၤ. နီၢ်ကစၢ်တၢ်ဂ့ၢ် တၢ်ကျိၤလၢနဟ့ၣ်ခီဟ့ၣ်နီၤလီၤဒီးပှၤန့ၣ် ပတနီၤဖးပာ်ဖျါအီၤဒ် ပှၤနီၢ်တဂၤတၢ်ဂ့ၢ်ထၢဖှိၣ်လၢတမ့ၢ်ကမျၢၢ်အသိးလၢ Minnesota သဲစးတၢ်သိၣ်တၢ်သီအဖီလာ်ဘၣ်န့ၣ်လီၤ. ဒ်လဲၣ်ဂ့ၤ, ပတဆါတၢ်ဂ့ၢ်တၢ်ကျိၤဘၣ်ဃးဒီးနၤ ဒီး, မ့တမ့ၢ်လၢသဲစးတၢ်သိၣ်တၢ်သီ ဃ့ထီၣ်လၢကဘၣ်မၤအီၤဘၣ်န့ၣ်, ပတဟ့ၣ်ခီဟ့ၣ်နီၤလီၤနနီၢ်ကစၢ်တၢ်ဂ့ၢ်တၢ်ကျိၤဘၣ်.

4. တၢ်မၤဖျါထီၣ်တၢ်လၢတၢ်ဃ့ထီၣ်အီၤတဖၣ်

ဒ်တၢ်ကွဲးပာ်ဖျါထီၣ်လၢ Tennessen တၢ်ဟ့ၣ်ပလီၢ်အသိး, ပကမၤဖျါထီၣ်နနီၢ်ကစၢ်တၢ်ဂ့ၢ်တၢ်ကျိၤဖဲသဲစးတၢ်သိၣ်တၢ်သီ မ့တမ့ၢ် ကွီၢ်ဘျီၣ်တၢ်နဲၣ်လီၤ ဃ့ထီၣ်ပှၤလၢပကဘၣ်မၤအီၤန့ၣ်လီၤ.

5. ပှၤဟ့ၣ်တၢ်မၤစၢၤပှၤသၢဖုတဖုတဖၣ်

အါတက့ၢ်, ပှၤဟ့ၣ်တၢ်မၤစၢၤပှၤသၢဖုတဖုလၢပစူးကါအီၤတဖၣ် ကထၢဖှိၣ်, စူးကါ, ဒီးမၤဖျါထီၣ်နတၢ်ဂ့ၢ်တၢ်ကျိၤလၢအလီၢ်အိၣ် အသိးလၢကပျဲအဝဲသ့ၣ်မၤတၢ်မၤစၢၤတဖၣ်လၢအဝဲသ့ၣ်ဟ့ၣ်လီၤဆူပအိၣ်တဖၣ်န့ၣ်လီၤ.

ဒ်လဲၣ်ဂ့ၤ, ပှၤဟ့ၣ်တၢ်မၤစၢၤပှၤသၢဖုတဖုလီၤတံၢ်လီၤဆဲး, ဒ်အမ့ၢ်တၢ်ဟ့ၣ်တၢ်ဘူးတၢ်လဲတၢ်ဘျးစဲခီၣ်ဖၠူထၢၣ်အပှာ်ဘျးစဲ တဖၣ် (gateways) ဒီးတၢ်ဆါတၢ်ပှ့ၤခီၣ်ဖၠူထၢၣ်အယူၣ်နံးလၢအဟ့ၣ်တၢ်ဂ့ၢ်တၢ်ကျိၤအဂၤတဖၣ်, အိၣ်ဒီးအဝဲသ့ၣ်အနီၢ်ကစၢ်တၢ်ဖံးတၢ် မၤတဂ့ၢ်တၢ်ကျိၤဖီလစံၣ် ဘၣ်ထွဲဒီးတၢ်ဂ့ၢ်တၢ်ကျိၤလၢပလိၣ်ဘၣ်အီၤလၢကဟ့ၣ်လီၤဆူအဝဲသ့ၣ်အအိၣ်လၢ အဘၣ်ထွဲဒီးနတၢ် ဆါတၢ်ပှ့ၤတဖၣ်အဂီၢ်န့ၣ်လီၤ.

နကြၢးဖးပှၤဟ့ၣ်တၢ်မၤစၢၤတဖၣ်အနီၢ်ကစၢ်တၢ်ဖံးတၢ်မၤဖီလစံၣ်တဖၣ် ဒ်သိးနနၢ်ပၢၢ်ကျဲလၢပှၤဟ့ၣ်တၢ်မၤစၢၤတဖၣ်အံၤ ကရဲၣ် ကျဲၤမၤနနီၢ်ကစၢ်တၢ်ဂ့ၢ်တၢ်ကျိၤန့ၣ်လီၤ. ပှၤဟ့ၣ်တၢ်မၤစၢၤတနီၤကအိၣ်လၢ မ့တမ့ၢ် အိၣ်ဒီးတၢ်သူၣ်ထီၣ်တၢ်ကရၢကရိလၢအိၣ် လၢတၢ်စံၣ်ညီၣ်တၢ်သ့အလီၢ်ကဝီၤဆီအပူၤလၢအါန့ၢ် နၤ မ့တမ့ၢ် ပှၤန့ၣ်လီၤ. နမ့ၢ်ဃုထၢလၢနကမၤတၢ်ဒီးတၢ်ဆါတၢ်ပှ့ၤလၢ အပၣ်ဃုာ်ဒီးပှၤဟ့ၣ်တၢ်မၤစၢၤပှၤသၢဖုတဖုတဖၣ်န့ၣ်, နတၢ်ဂ့ၢ်တၢ်ကျိၤတဖၣ်ကအိၣ်လၢ သဲစးအတၢ်သိၣ်တၢ်သီအဖီလာ်လၢ တၢ်စံၣ်ညီၣ်တၢ်သ့အလီၢ်ကဝီၤ လၢပှၤဟ့ၣ်တၢ်မၤစၢၤ မ့တ့မၢ် အတၢ်ကရၢကရိတဖၣ်တဖၣ်အိၣ်သူၣ်လီၤသးအလီၢ်အပူၤ န့ၣ်လီၤ.

ဖဲနဟးထီၣ်လၢပပှာ်ယဲၤသန့ မ့တ့မၢ် က့ၤကဒါက့ၤဆူပှၤသၢဖုတဖုအပှာ်ယဲၤသန့ မ့တမ့ၢ် အဲး(ပ)တၢ်ရဲၣ်တၢ်ကျဲၤန့ၣ်, နတဘၣ်တၢ်ဒီသဒၢနၤလၢပှၤနီၢ်တဂၤတၢ်ဖံးတၢ်မၤဖီလစံၣ် မ့တမ့ၢ် Metro Transit micro တၢ်စူးကါတၢ်ပာ်ပနီၣ်တဖၣ် လၢၤဘၣ်န့ၣ်လီၤ..

ဖဲနစံၢ်လီၤပှာ်ဘျးစဲလၢပပှာ်ယဲၤသန့အဖီခိၣ်အခါ, ပှာ်ဘျးစဲကဆှၢဟးထီၣ်နၤလၢပပှာ်ယဲၤသန့န့ၣ်လီၤ. ပတဟံးန့ၢ်မူဒါလၢ ပှၤနီၢ်တဂၤတၢ်ဖံးတၢ်မၤတၢ်ဂ့ၢ်တၢ်ကျိၤလၢပှာ်ယဲၤသန့အဂၤဘၣ် ဒီးပဟ့ၣ်ဂံၢ်ဟ့ၣ်ဘါနၤလၢနကဖးအဝဲသ့ၣ်အနီၢ်ကစၢ်တၢ်ဖံး တၢ်မၤတၢ်ဂ့ၢ်တၢ်ကျိၤတၢ်ပာ်ဖျါတဖၣ်န့ၣ်လီၤ.

6. တၢ်ဘိးဘၣ်သ့ၣ်ညါ 

Metro Transit micro ကဆှၢနၤတၢ်ဂ့ၢ်တၢ်ကျိၤလၢ လီတဲစိတၢ်ဘိးဘၣ်သ့ၣ်ညါအကျိၤအကျဲ မ့တမ့ၢ် တၢ်လၢအဟ့ၣ်ဂံၢ်ဟ့ၣ် ဘါတၢ်ဆါတၢ်ပှ့ၤတၢ်ဂ့ၢ်တၢ်ကျိၤခီဖျိ App, SMS တၢ်ကစီၣ်, မ့တမ့ၢ် ခီဖျိအံမ့(လ) န့ၣ်လီၤ. App ကစူးကါတၢ်လီၢ်တၢ်ကျဲတၢ် ဂ့ၢ်တၢ်ကျိၤလၢကဒုးနဲၣ်တၢ်ဘိးဘၣ်သ့ၣ်ညါ မ့တမ့ၢ် တၢ်လၢအဟ့ၣ်ဂံၢ်ဟ့ၣ်ဘါတၢ်ဆါတၢ်ပှ့ၤတၢ်ဂ့ၢ်တၢ်ကျိၤလီၢ်ကဝီၤအပူၤန့ၣ် လီၤ. လၢကပၢဆှၢရဲၣ်ကျဲၤတၢ်ဘိးဘၣ်သ့ၣ်ညါတဖၣ်လၢ App အဂီၢ်, လဲၤဆူတၢ်ဘိးဘၣ်သ့ၣ်ညါလီၢ်ကဝီၤလၢတၢ်ဆီလီၤပာ်လီၤ တၢ်အပူၤလၢနပီးလီအဂီၢ်ဒီးဃုထၢ Metro Transit micro န့ၣ်တက့ၢ်.

7. တၢ်ဟ့ၣ်ခီဟ့ၣ်နီၤလီၤကမျၢၢ်တၢ်ကစီၣ်တၢ်ဂ့ၢ်တၢ်ကျိၤတဖၣ်

ပှာ်ယဲၤသန့တဖၣ် မ့တမ့ၢ် App ကပာ်ဖှိၣ်လိာ်သးတပူၤဃီဒီးတၢ်ဟ့ၣ်ခီဟ့ၣ်နီၤလီၤကမျၢၢ်တၢ်ကစီၣ်တၢ်ဂ့ၢ်တၢ်ကျိၤတဖၣ် ဒီးတၢ်ပီးတၢ်လီဘၣ်ထွဲအဂၤတဖၣ်လၢအပျဲနဟ့ၣ်ခီဟ့ၣ်နီၤလီၤတၢ်လၢနဟံးဂ့ၢ်ဝီမၤအီၤခီဖျိစူးကါတၢ်မၤတဖၣ်ဒီး အဲး(ပ)တၢ် ရဲၣ်တၢ်ကျဲၤအဂၤတဖၣ်, ပှာ်ယဲၤသန့တဖၣ်, မ့တမ့ၢ် ကမျၢၢ်မံၣ်ဒယၢၣ်တၢ်ကစီၣ်, ဒီးဒ်န့ၣ်အသိးသ့ၣ်တဖၣ်န့ၣ်လီၤ. နတၢ်စူးကါ တၢ်ဂ့ၢ်တၢ်ကျိၤမၤအသးတဖၣ်အံၤ မၤသ့ထီၣ်ဘၣ်ထီၣ်နၤလၢကဟ့ၣ်ခီဟ့ၣ်နီၤလီၤတၢ်ဂ့ၢ်တၢ်ကျိၤဒီးနတံၤသကိး မ့တမ့ၢ် ကမျၢၢ်, ဒိးသန့ၤထီၣ်အသးလၢတၢ်လၢနသူၣ်ထီၣ်အီၤဒီးတၢ်ဟ့ၣ်ခီဟ့ၣ်နီၤလီၤကမျၢၢ်တၢ်ကစီၣ်တၢ်မၤစၢၤတဖၣ်အဖီခိၣ်န့ၣ်လီၤ. နကြၢး ကွၢ်ပှၤနီၢ်တဂၤတၢ်ဖံးတၢ်မၤတၢ်ဂ့ၢ်တၢ်ကျိၤဖီလစံၣ်ဘၣ်ဃးဒီး တၢ်ဟ့ၣ်ခီဟ့ၣ်နီၤလီၤကမျၢၢ်တၢ်ကစီၣ်တၢ်မၤစၢၤလၢ ကမၤန့ၢ်အါ ထီၣ်တၢ်ဂ့ၢ်တၢ်ကျိၤဘၣ်ဃးဒီး အဝဲသ့ၣ်ရဲၣ်ကျဲၤတၢ်ဂ့ၢ်ထၢဖှိၣ်လၢနဟ့ၣ်လီၤအီၤ ဟ့ၣ်ခီဟ့ၣ် နီၤလီၤခီဖျိအဝဲသ့ၣ်ဒ်လဲၣ်န့ၣ်လီၤ.

8. တၢ်ဘံၣ်တၢ်ဘၢ

လၢကဒီသဒၢနနီၢ်ကစၢ်တၢ်ဂ့ၢ်တၢ်ကျိၤအဂီၢ်, ပမၤတၢ်ဟ့ၣ်ပလီၢ်ဆိသးလၢအကြၢးဝဲဘၣ်ဝဲ ဒီးမၤပိာ်ထွဲစဲးဖီကဟၣ်တၢ်မၤလီၢ် အတၢ်သိၣ်တၢ်သီတၢ်ဘျၢအဂ့ၤကတၢၢ် လၢကမၤလီၤတံၢ်တၢ်အံၤတလီၤမၢ်ကွံာ်, တၢ်တစူးကါကမၣ်အီၤ, မ့တမ့ၢ် တၢ်နုာ်လီၤစူး ကါအီၤတဘၣ်ဘျိးဘၣ်ဒါ, မၤဖျါထီၣ်အီၤ, လဲလိာ်ဆီတလဲအီၤ, မ့တမ့ၢ် မၤဟးဂီၤအီၤဘၣ်န့ၣ်လီၤ. ဒ်လဲၣ်ဂ့ၤ, တၢ်ဘၣ်ယိၣ် အိၣ်လၢပှၤသၢဖုတဖုလၢတဒိးန့ၢ်ဘၣ်အခွဲးတဖၣ် ကနုာ်လီၤပၣ်ဃုာ်လၢတၢ်ဟူးတၢ်ဂဲၤတဖိးသဲစး, ဒ်အမ့ၢ် နုာ်လီၤမၤဟးဂီၤ Metro Transit micro မ့တမ့ၢ် Metro Transit အပှၤဆါတၢ်ပှ့ၤတၢ်လၢမၤတၢ်မၤလံာ်ဃံးဃာ်တဖၣ်အတၢ်ဘံၣ်တၢ်ဘၢတၢ်မၤ အကျိၤအကျဲ(တဖၣ်), မ့တမ့ၢ် ခီဖျိဖီၣ်ဘျီပှၤအနီၢ်ကစၢ်တၢ်ဂ့ၢ်တၢ်ကျိၤလၢအ့ထၢၣ်နဲးအဖီခိၣ်န့ၣ်လီၤ. Metro Transit တဟံးမူဒါလၢတၢ်ဂ့ၢ်တၢ်ကျိၤလၢဘၣ်တၢ်မၤန့ၢ်အီၤလၢပှၤသၢဖုတဖုတဖၣ်လၢ ကျဲလၢတၢ်တဟ့ၣ်အခွဲးအပူၤဘၣ်.

9. တၢ်အၢၣ်လီၤဟ့ၣ်ခွဲးအသးနံၣ်

ခီဖျိစူးကါ App အံၤအဃိနပာ်ဖျါထီၣ်လၢနသးအိၣ်အစှၤကတၢၢ် 13 နံၣ်န့ၣ်လီၤ.

10. တၢ်စးထီၣ်စူးကါ/တၢ်ကွၢ်ကဒါက့ၤအမုၢ်နံၤ

လါစဲးပတ့ဘၢၣ် 5 သီ, 2022.

တၢ်သံကွၢ်ဒီးတၢ်ဆဲးကျၢတၢ်ဂ့ၢ်တၢ်ကျိၤ

နမ့ၢ်အိၣ်ဒီးတၢ်သံကွၢ်, တၢ်ထံၣ်တၢ်ဆိကမိၣ် မ့တမ့ၢ် တၢ်ပာ်ဒ့ၣ်ပာ်ကမၣ်ဘၣ်ဃးဒီး ပှၤနီၢ်တဂၤတၢ်ဖံးတၢ်မၤဖီလစံၣ် မ့တမ့ၢ် တၢ်စူးကါတၢ်ပာ်ပနီၣ်တဖၣ်န့ၣ်, ဝံသးစူၤဆဲးကျၢပှၤဖဲ 612-373-3333 မ့တမ့ၢ်  [email protected] န့ၣ်တက့ၢ်.